تعمیر انسانیت کا دارومدار کامل ایمان اخلاص اور تقوی پر ہے،سدرہ سعید بند یشہ

ہمیں ملک و ملت تعمیر و ترقی کے لیے میڈیا عدلیہ بیوروکریسی اور حکمرانوں و اپوزیشن کو اپنا اپنا قومی رول ادا کرنا چاہیے

منگل 5 نومبر 2024 10:40

مکوآنہ (اُردو پوائنٹ اخبارتازہ ترین - این این آئی۔ 05 نومبر2024ء) پاکستان پیپلز پارٹی کی ٹکٹ ہو لڈر این اے 100 سدرہ سعید بند یشہ نے کہا ہے کہ تعمیر انسانیت کا دارومدار کامل ایمان اخلاص اور تقوی پر ہے ہمیں ملک و ملت تعمیر و ترقی کے لیے میڈیا عدلیہ بیوروکریسی اور حکمرانوں و اپوزیشن کو اپنا اپنا قومی رول ادا کرنا چاہیے سوشل میڈیا پر بد تہذیبی بدکلامی اور الزام تراشی کی یلغار نے ہمارے معاشرتی نظام کو بری طرح متاثر کر رکھا ہے ہماری معزز صحافی برادری کو اپنا عملی کردار اور قلمی جہاد کرنے کی اشد ضرورت ہے صحافت ایک مقدس پیشہ ہے یہ ملک کا اہم ترین ستون ہے صحافیوں کو سچ اور جھوٹ کے درمیان فرق کو واضح کرنا چاہیے اور ذمہ دارانہ صحافت پر فوکس کرنا چاہیے پاکستان پیپلز پارٹی صحا فی برادری کی عظمت کوسلام پیش کرتی ہے بدقسمتی سے اب صحافت ایک ایسے بھنور میں پھنسی ہوئی ہے جہاں سچ جھوٹ کی تمیز تقریبا ختم ہو چکی ہے سدرہ سعید بندیشہ نے کہا کہ صحافی برادری کے خلاف جرائم کی طویل فہرست ہے اور ان جرائم کو روکنے کے لئے حکومتوں کے ساتھ معاشرے کے ہر طبقے کو اپنا بھرپور کردار ادا کرنے کی ضرورت ہے۔

(جاری ہے)

جرائم کا نشانہ بننے والے صحافیوں کے ساتھ یکجہتی کااظہار کرتے ہیں۔ آج ہم اس عزم کا اعادہ کرتے ہیں کہ صحافی برادری کے خلاف جرائم کی روک تھام کے لیے تمام ضروری اقدامات اٹھائیں گے۔ انہوںنے کہا کہ فیلڈ کے اندراور باہر ایک مافیا سرگرم عمل ہے جو صحافتی برادری کے خلاف جرائم کا مرتکب ہو کر اثر اندازی کا سبب بنتا ہے کسی کے ایجنڈے کو نہیں بلکہ صحافیوں کو پاکستان کے ایجنڈے کو آگے لے کر چلنا چاہیے‘صحافتی ذمہ داریاں ادا کرنے کیلئے سازگار اور محفوظ ماحول کلیدی اہمیت رکھتا ہے۔

صحافیوں کے خلاف جرائم کے خاتمے کے عالمی دن پر پیغام میں انہوں نے کہا کہ صحافتی ذمہ داریاں ادا کرنے کے لیے سازگار اور محفوظ ماحول کلیدی اہمیت رکھتا ہے۔ مستند اطلاعات اور خبریںسے عوام پاکستان کو آگاہ کرنے کے لیے صحافیوں پر بھاری ذمہ داری عائد ہو تی ہے