بھارت سے آلودہ ہوا کا دباؤ لاہور کی جانب موجود

مشرقی ہوائیں 4 کلومیٹر فی گھنٹہ کی رفتار سے لاہور کی طرف چل رہی ہیں‘سیکرٹری تحفظ ماحول

منگل 5 نومبر 2024 13:22

بھارت سے آلودہ ہوا کا دباؤ لاہور کی جانب موجود

لاہور(اُردو پوائنٹ اخبارتازہ ترین - این این آئی۔ 05 نومبر2024ء) سیکریٹری تحفظ ماحول راجہ جہانگیر کا کہنا ہے ک بھارت سے آلودہ ہوا کا دباؤ لاہور کی جانب موجود ہے۔راجہ جہانگیر نے کہا ہے کہ لاہور میں ایئر کوالٹی انڈیکس میں اضافے کا رجحان جاری ہے، مشرقی ہوائیں 4 کلومیٹر فی گھنٹہ کی رفتار سے لاہور کی طرف چل رہی ہیں۔

(جاری ہے)

ان کا کہنا ہے کہ دونوں جانب کے کسانوں سے اپیل ہے کہ فصلوں کی باقیات نہ جلائیں۔

سیکریٹری تحفظ ماحول نے ہدایت کی ہے کہ شہری ماسک کا استعمال اور احتیاطی تدابیر اپنائے رکھیں۔راجہ جہانگیر انور نے کہا ہے کہ شہری گھروں کے دروازے اور کھڑکیاں بند رکھیں۔واضح رہے کہ دنیا کے آلودہ ترین شہروں میں صبح سویرے لاہور پھر سرِ فہرست آ گیا تھا۔محکمہ ماحولیات نے لاہور کو درپیش نئے مسئلے پر نیا ریڈ الرٹ جاری کر دیا ہے۔