پاکستان تھری ویلرز برآمد کرنے کی پوزیشن میں آ گیا ، الیکٹرک موٹر سائیکل کے لئے 4 ارب روپے مختص کیے ہیں، دو کمپنیوں کو پاکستان میں الیکٹرک وہیکلزکا لائسنس دیا گیا ہے، وفاقی وزیر رانا تنویر حسین

بدھ 6 نومبر 2024 17:21

اسلام آباد (اُردو پوائنٹ اخبارتازہ ترین - اے پی پی۔ 06 نومبر2024ء) وفاقی وزیر برائے صنعت و پیداوار رانا تنویر حسین نے کہا ہے کہ پاکستان تھری ویلرز برآمد کرنے کی پوزیشن میں آ گیا ہے، الیکٹرک موٹر سائیکل کے لئے 4 ارب روپے مختص کیے ہیں، دو کمپنیوں کو پاکستان میں الیکٹرک وہیکلز کا لائسنس دیا گیا ہے۔ ان خیالات کا اظہار انہوں نے بدھ کو انجینئرنگ ڈویلپمنٹ بورڈ کی جانب سے الیکٹرک بائیکس کے مختلف ماڈلز کی نمائش کے موقع پر کیا ۔

انہوں نے کہا کہ الیکٹرک گاڑیوں کے لیے 31 کمپنیوں نے دلچسپی ظاہر کی ہے ۔ ان کا کہنا تھا کہ الیکٹرک موٹر سائیکل کو پنجاب حکومت سبسڈائز کر رہی ہے،دوسری الیکٹرک وہیکل پالیسی 30 نومبر تک جاری کر دیں گے۔ رانا تنویر حسین نے کہا کہ پاکستان ماحول دوست گاڑیوں اور موٹر سائیکلوں پر منتقل ہو رہا ہے، نجی کمپنیوں کی جانب سے مینوفیکچرنگ کا عمل شروع ہو گیا ہے، چارجنگ سٹیشنز کے نہ ہونے سے صارفین کو مشکلات کا سامنا کرنا پڑتا ہے۔

(جاری ہے)

انہوں نے کہا کہ وزیراعظم محمد شہباز شریف کے وژن کے مطابق 2030 تک 10 ہزار ای وی چارجنگ سٹیشن قائم کیے جائیں گے جس سے ایندھن کی درآمد پر انحصار کم ہوگا اور کلینر ٹیکنالوجیز کی طرف گاڑیوں سے زیادہ کاربن کے اخراج میں کمی آئے گی۔ ا ن کا کہنا تھا کہ بہترین کارکردگی کا مظاہرہ کرنے والے 100 طلبہ کو مفت الیکٹرک بائیکس فراہم کی جائیں گی ۔ انہوں نے کہا کہ یہ دوسری الیکٹریکل وہیکل پالیسی ہے ،اس سے قبل بھی ہماری حکومت ہی الیکٹریکل وہیکل پالیسی لےکر آئی تھی،اس پالیسی کے تحت لاکھوں افراد مستفید ہوں گے۔ان کا کہنا تھا کہ پنجاب حکومت بھی 2 اور 3 ویلر پر کام کر رہی ہے، وزیراعظم محمد شہباز شریف کے وژن کے مطابق 2030 تک 10 ہزار ای وی چارجنگ سٹیشن قائم کیے جائیں گے۔\932

Facebook Twitter Google + Share on Whatsapp

متعلقہ عنوان :

مزید قومی خبریں