وزیر اعلی کے ویژن ستھرا پنجاب پر عملدرآمد یقینی بنانے کیلئے ایل ڈبلیو ایم سی کی ٹیمیں فیلڈ میں متحرک ہیں، ترجمان

جمعہ 15 نومبر 2024 19:30

لاہور (اُردو پوائنٹ اخبارتازہ ترین - اے پی پی۔ 15 نومبر2024ء) وزیر اعلی مریم نوازکے ویژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کی آپریشن ٹیمیں 24 گھنٹے فیلڈ میں متحرک ہیں۔ ترجمان کے مطابق جمعہ کی مناسبت سے شہر کی تمام جامع مساجد کے گرد ایل ڈبلیو ایم سی کی جانب سے صفائی کے خصوصی انتظامات ممکن بنائے گئے جبکہ روزانہ کی بنیاد پر کمرشل مارکیٹس، عوامی مقامات ،رش والی جگہوں پر مینوئل سویپنگ و پانی کا چھڑکائو جاری اور272 بس اسٹاپس، لاری اڈوں کی صفائی کو یقینی بنایا جا رہا ہے۔

ایل ڈبلیو ایم سی کے 5 ہزارسے زائد کنٹینرز کی کلیئرنس بھی روزانہ کی بنیاد پرکی جا رہی ہے،شہر کے800 کلومیٹر سے زائد روڈز پر مکینیکل سویپنگ اور100 کلومیٹر سے زائد مکینیکل واشنگ کی جاری ہے۔

(جاری ہے)

اس حوالے سے بابر صاحب دین کا کہنا ہے کہ شہر کی تمام گلیوں، محلوں، چوراہوں، روڈ ڈیوائڈرز اور مین شاہراہوں کی خصوصی صفائی یقینی بنائی جا رہی ہے، بہترین صفائی انتظامات کے تحت مسلم ٹائون موڑ، اچھرہ، شمع، مزنگ، ایل او ایس پر روڈ سائیڈ سکریپنگ کی جارہی ہے۔

اسی طرح جوہر ٹائون، سمسانی روڈ، خیابان فردوسی، گلوبل ویلج کے اطراف صفائی آپریشن کیا گیا جبکہ نظریہ پاکستان روڈ، ایکسپو سنٹر، جی ون مارکیٹ کے اطراف صفائی ٹیمیں تعینات ہیں۔انہوں نے کہاکہ لاہوریوں کو صاف ستھرا ماحول فراہم کرنے کیلئے تمام وسائل بروئے کار لا رہے ہیں،شہریوں سے بھی گزارش ہے کہ لاہور کو صاف رکھنے میں ایل ڈبلیو ایم سی ٹیموں کا ساتھ دیں اور صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ یا سوشل میڈیا کا استعمال کریں۔