اعلیٰ ثانوی تعلیمی بورڈ کراچی کی 2008ء سے اب تک پرچے /پریکٹیکل کلیئرنہ کرنے والوں کو خصوصی فیس کے ساتھ ضمنی امتحانات میں شرکت کی اجازت

منگل 26 نومبر 2024 22:20

کراچی(اُردو پوائنٹ اخبارتازہ ترین - آن لائن۔ 26 نومبر2024ء) اعلیٰ ثانوی تعلیمی بورڈ کراچی نے چیئرمین پروفیسر امیر حسین قادری کی ہدایت پر سندھ بورڈز کمیٹی آف چیئرمین (SBCC) کی جانب سے 182ویں میٹنگ میں کیے گئے فیصلے کی روشنی میں سائنس پری میڈیکل، پری انجینئرنگ، سائنس جنرل، کامرس ریگولر، کامرس پرائیویٹ، آرٹس ریگولر، آرٹس پرائیویٹ اور ہوم اکنامکس گروپس کے ایسے امیدواروں کو خصوصی فیس کے ساتھ ضمنی امتحانات برائے 2024ء میں شرکت کی اجازت دینے کا فیصلہ کیا ہے جو 2008ء سے اب تک اپنے پرچے /پریکٹیکل کلیئر نہیں کرسکے ہیں۔

ایسے تمام امیدوار اپنے امتحانی فارم 6 ہزار روپے امتحانی فیس کے ساتھ 17گریڈ کے گورنمنٹ افسر سے ضروری تصدیق کے بعد بروز بدھ 27 نومبر سے بروز جمعہ 20 دسمبر 2024ء تک بورڈ آفس کی لائبریری میں قائم یونائیٹڈ بینک لمیٹڈ (UBL) کے بوتھ میں جمع کرواسکتے ہیں۔

(جاری ہے)

طلبہ انٹربورڈ کراچی کی دی گئی سہولت سے سے فائدہ اٹھاتے ہوئے اپنے امتحانی فارم کی فیس یو بی ایل کی کسی بھی برانچ میں اکاؤنٹ نمبر UBL-CMA-252536591 میں جمع کرواسکتے، طلباء جمع کرائی گئی فیس کا واؤچر اور اپنا امتحانی فارم شیڈول کے مطابق دی گئی تاریخوں میں بورڈ آفس کی انکوائری میں جمع کروانے کے پابند ہوں گے بصورت دیگر ان کا فارم قبول نہیں کیا جائے گا اور فیس ضبط کرلی جائے گی۔

انٹربورڈ نے ایسے تمام امیدواروں کو ہدایت کی ہے امتحانی فارمز کے ساتھ پروفارما آف آئی ٹی سیکشن، انٹرمیڈیٹ کی اوریجنل مارکس شیٹ، جس سال آخری موقع ختم ہوا اس کے ایڈمٹ کارڈ کی فوٹو کاپی، انرولمنٹ / رجسٹریشن کارڈ کی فوٹو کاپی، میٹرک کے سرٹیفکیٹ اور مارکس شیٹ کی فوٹو کاپی لگانا ضروری ہے۔ امتحانی فارم، اسپیشل چانس کا پروفارما اور فیس واؤچر بورڈ کی آفیشل ویب سائٹ [email protected] سے ڈاؤن لوڈ کیا جاسکتا ہے۔#

Facebook Twitter Google + Share on Whatsapp

اعلیٰ ثانوی تعلیمی بورڈ کراچی کی 2008ء سے اب تک پرچے /پریکٹیکل کلیئرنہ کرنے والوں کو خصوصی فیس کے ساتھ ضمنی امتحانات میں شرکت کی اجازت

متعلقہ عنوان :

مزید تعلیم کی خبریں