ماضی کے مقبول گلوکار اور معروف نعت خواں جنید جمشید کو مداحوں سے بچھڑے 8برس بیت گئے

جنید جمشید نے نعت خوانی میں بھی اپنا مقام پیدا کیا، ان کی نعت ’’میرا دل بدل دے‘‘ نے نوجوانوں میں خوب مقبولیت حاصل کی

ہفتہ 7 دسمبر 2024 10:55

ْلاہور (اُردو پوائنٹ اخبارتازہ ترین - این این آئی۔ 07 دسمبر2024ء) ماضی کے مقبول گلوکار اور معروف نعت خواں جنید جمشید کو مداحوں سے بچھڑے 8برس بیت گئے۔

(جاری ہے)

جنید جمشید نے میوزک کے شعبے میں بے پناہ مقبولیت حاصل کی، دل دل پاکستان گانے نے انہیں شہرت کی بلندیوں پر پہنچایا، کیرئیر کے عروج پر انہوں نے گلوکاری کو خیر باد کہا اور دین اسلام کی خدمت میں مصروف ہوگئے۔جنید جمشید نے نعت خوانی میں بھی اپنا مقام پیدا کیا، ان کی نعت ’’میرا دل بدل دے‘‘ نے نوجوانوں میں خوب مقبولیت حاصل کی، واضح رہے جنید جمشید جہاز کے حادثے میں جاں بحق ہوگئے تھے۔