نامورنعت خواں جنید جمشید کی8 ویں برسی منائی گئی

ہفتہ 7 دسمبر 2024 17:32

لاہور (اُردو پوائنٹ اخبارتازہ ترین - اے پی پی۔ 07 دسمبر2024ء) نامورگلوکار ونعت خواں جنید جمشید کی8 ویں برسی7 دسمبر بروزہفتہ کومنائی گئی۔ انہیں اپنے مداحوں سے بچھڑے آٹھ برس بیت گئے ، مرحوم جنید جمشید کو خراج عقیدت پیش کرنے کیلئے ملک کے مختلف شہروں میں دعائیہ تقریبات کا انعقاد کیا گیا ۔ جنید جمشید 3 ستمبر 1964 کوکراچی میں پیدا ہوئے، انہوں نے وائٹل سائز کے نام سے پاپ موسیقی کا بینڈ تشکیل دیا جس میں بطور گلو کار 1987 میں کیریئر کا آغاز کیا،اس بینڈکی جانب سے ملی نغمہ '' دل دل پاکستان جاں جاں پاکستان'' متعارف کرایا جو عوام میں بے حد مقبول ہوا،جنید جمشید نے میوزک کے شعبے میں بے پناہ مقبولیت حاصل کی، دل دل پاکستان گانے نے انہیں شہرت کی بلندیوں پر پہنچایا،2004 میں معروف سکالر مو لانا طارق جمیل سے ملاقات نے جنید جمشید کی زندگی بدل دی اور گلوکاری میں بے پناہ شہرت کے باوجود ان کا رجحان دینی تعلیمات، درس و تدریس اور حمد و ثنا کی طرف ہو گیا۔

(جاری ہے)

گلوکار ی کو خیر باد کہہ کر 2005 میں اپنی خوبصورت آواز میں انہو ں نے پہلا نعتیہ البم جلوہ جاناں ریلیز کیا،جنید جمشید نے نعت خوانی میں بھی اپنا مقام پیدا کیا، ان کی نعت ''میرا دل بدل دے'' نے نوجوانوں میں خوب مقبولیت حاصل کی۔انہیں 2007 میں تمغہ امتیاز سے بھی نوازا گیا۔ وہ 7 دسمبر 2016 کو چترال سے اسلام آباد جاتے ہوئے حویلیاں کے قریب طیارہ حادثہ میں جاں بحق ہو گئے تھے۔

Facebook Twitter Google + Share on Whatsapp

نامورنعت خواں جنید جمشید کی8 ویں برسی منائی گئی

متعلقہ عنوان :

مزید فن و فنکار کی خبریں