پی ایچ ڈی داخلہ فارم9سی16دسمبر کے دوران جمع ہوگا، ترجمان بین الاقوامی مرکز

کامیاب امیدواروں کوایچ ای جے انسٹیٹیوٹ اور ڈاکٹر پنجوانی سینٹر میں داخلے دیے جائیں گے

بدھ 11 دسمبر 2024 18:18

کراچی (اُردو پوائنٹ اخبارتازہ ترین - این این آئی۔ 11 دسمبر2024ء) بین الاقوامی مرکز برائے کیمیائی و حیاتیاتی علوم (آئی سی سی بی ایس)جامعہ کراچی نے پی ایچ ڈی پروگرام برائی2024 میں داخلوں کا اعلان کردیا ہے۔ آئی سی سی بی ایس، جامعہ کراچی ملک میں اسکالر شپ دینے والے چند اداروں میں شامل ہے جو50ہزار روپے ماہانہ پی ایچ ڈی اسکالرشپ کی مد میں طالب علموں کو دیتا ہے۔

آئی سی سی بی ایس جامعہ کراچی کے ترجمان کے مطابق داخلہ پراسپیکٹس برائی2024، داخلہ ٹیسٹ فارم اور فیس واچر جامعہ کراچی کی ویب سائٹ(http://uok.edu.pk or http://iccs.edu/page-academics) سی9سی16دسمبر کے دوران ڈاون لوڈ کیے جاسکتے ہیں، جبکہ فیس برائے داخلہ کاروائی7ہزار5سو روپے ہے۔ کامیاب امیدواروں کو جامعہ کراچی کے بین الاقومی شہرت یافتہ تحقیقی ادارے ڈاکٹر پنجوانی سینٹر برائے مالیکیو لر میڈیسن اور ڈرگ ریسرچ (پی سی ایم ڈی),جامعہ کراچی اور ایچ ای جے ریسرچ انسٹی ٹیوٹ آف کیمسٹری، جامعہ کراچی میں داخلہ دیا جائے گا۔

(جاری ہے)

اس پروگرام کے تحت امیدواربائیو کیمسٹری، جینٹکس، مائکرو بائیولوجی، بائیو ٹیکنالوجی، میڈیکل ٹیکنالوجی، بائیومیڈیکل انجینئرنگ، فزیولوجی، الائیڈ ہیلتھ سائینسز،نامیاتی کیمیا، تجزیاتی کیمیا، طبعیاتی کیمیا، غیر نامیاتی کیمیا، اور حیاتی نامیاتی کیمیا جیسے اہم شعبہ جات میں داخلہ لینے کے مجاز ہوں گے۔ داخلوں کے امیدوار بھرے ہوئے داخلہ ٹیسٹ فارم اور اداشدہ فیس واچر16دسمبر تک آئی سی سی بی ایس جامعہ کراچی کے اکیڈمک کوارڈی نیشن آفس میں جمع کر وائیں گے۔