سعودی عرب کو فیفا ورلڈکپ 2034 کی میزبانی مل گئی

فٹبال کی عالمی تنظیم فیفا نے کونسل اجلاس میں تصدیق کردی‘تیاریاں شروع کر دی گئیں

جمعرات 12 دسمبر 2024 15:06

سعودی عرب کو فیفا ورلڈکپ 2034 کی میزبانی مل گئی

ریاض (اُردو پوائنٹ اخبارتازہ ترین - این این آئی۔ 12 دسمبر2024ء)فٹبال ورلڈ کپ 2034 کی میزبانی سعودی عرب کو مل گئی۔ فٹبال کی عالمی تنظیم فیفا نے کونسل اجلاس میں تصدیق کردی۔واضح رہے کہ سعودی عرب قطر کے بعد فٹبال ورلڈ کپ کی میزبانی کرنے والا دوسرا مسلمان ملک بن گیا۔

(جاری ہے)

2034 میں فٹبال کا سب سے بڑا ٹورنامنٹ ورلڈ کپ سعودی عرب کے 5 شہروں میں منعقد ہوگا جہاں 15 مختلف اسٹیڈیمز ورلڈ کپ میچوں کی میزبانی کریں گے۔

اس کے علاوہ 2030 کا فٹبال ورلڈ کپ تین براعظموں کے 6 ملکوں میں کھیلا جائے گا۔ ورلڈ کپ کی میزبانی مراکش، پرتگال اور اسپین کو دی گئی ہے جبکہ اسی ایونٹ کے ابتدائی تین میچز جنوبی امریکا کے تین ممالک پیراگوائے، ارجنٹائن اور یوراگوائے میں ہوں گے۔جنوبی امریکا میں ہونے والے یہ تین میچز ورلڈ کپ کی صد سالہ تقریبات کا حصہ ہوں گے۔