ؔاسلام آباد کے 3 حلقوں کیلئے نئے الیکشن ٹریبونل 5 ماہ بعد کام کا آغاز کرتے ہوئے 24 دسمبر کو سماعت کریگا

اتوار 22 دسمبر 2024 18:15

؁اسلام آباد(اُردو پوائنٹ اخبارتازہ ترین - آن لائن۔ 22 دسمبر2024ء)اسلام آباد کے 3 حلقوں کیلئے نئے الیکشن ٹریبونل 5 ماہ بعد کام کا آغاز کرتے ہوئے 24 دسمبر کو سماعت کریگا۔ٹریبیونل نے فریقین نوٹس جار ی کرکے ان کو دلائل کے لیے طلب کررکھاہے تاہم اسلام آباد ہائیکورٹ نے قومی اسمبلی کے حلقہ جات این اے 47 اور48میں حکم امتناعی جاری کررکھاہے۔واصح دیے کہ ا س سے قبل اسلام آبادہائی کورٹ کے جج جسٹس طارق جہانگیری سماعت کرتے رہے ہیں۔

(جاری ہے)

جسٹس ریٹائرڈ شکور پراچہ نے بطور نئے الیکشن ٹریبونل نے فریقین کو نوٹس جاری کیے۔الیکشن ٹریبونل کی سماعت فریقین کی عدم موجودگی کے باعث آگے نہیں بڑھ سکی جس پر سب کو نوٹس جاری کیے گئے۔ٹریبونل نے پی ٹی آئی کے تین امیدوار علی بخاری، عامر مغل اور شعیب شاہین جبکہ لیگی ایم این ایز طارق فضل چوہدری، انجم عقیل خان اور راجہ خرم کو جاری کیے ہیں۔جسٹس طارق جہانگیری نے بطور الیکشن ٹریبونل جولائی میں آخری سماعت کی تھی۔ حکومت کی جانب سے قانون میں تبدیلی کے بعد جسٹس طارق جہانگیری ٹریبیونل کو الیکشن کمیشن نے تبدیل کر دیا تھا۔