شہر میں مرغی ، گائے اور بکرے کے گوشت کی قیمتیں آسمان پر

مقامی انتظامیہ اور کنٹرول پرائس کمیٹی کی کارکردگی صفر ہے، نجف رضا

شہباز علی اسدی پیر 6 جنوری 2025 17:14

نواب شاہ ( اُردو پوائنٹ اخبارتازہ ترین۔ 06 جنوری2025ء ) جماعت اسلامی نوابشاہ کے امیر نجف رضا نے شہر میں مرغی سمیت گائے اور بکرے کے گوشت کی قیمتوں میں من مانے اضافے کی شدید مذمت کرتے ہوئے کہا ہے کہ انتظامیہ گوشت کی قیمتوں میں کنٹرول کرنے میں مکمل ناکام ہو چکی ہے کم از کم جو نرخ انتظامیہ مقرر کرتی ہے اس پر تو عمل درآمد کروایا جائے انہوں نے کہا کہ آئے دن حکومت کی جانب سے یہ یہ اعلان کیا جاتا ہے کہ اشیاء صرف کی قیمتوں میں اتنے فیصد کمی ہو گئی ہے اور معیشت اتنی مضبوط ہو چکی ہے لیکن حکومت کے بلند بانگ دعووں کی قلعی اس وقت کھل جاتی ہے جب گھر کا سودا سلف لینے بازار جاتا ہے بھی کوکنگ آئل چاول چینی ، مصالحہ جات اور اب گوشت عام آدمی کی دسترس سے باہر ہوتا جارہا ہے جماعت اسلامی کے رہنما نجف رضا نے ڈپٹی کمشنر شہید بینظیرآباد سے مطالبہ کیا کہ وہ کنٹرول پرائس کمیٹی کو فعال کریں تاکہ گوشت مافیا کی من مانیوں کو روکا جا سکے۔