گاجر کی مشینی کاشت کے لئے کثیر المقاصد ڈرل کے ذریعے فی ایکڑ3سی4کلو بیج سے 250من پیداوار حاصل کی جا سکتی ہے،ماہرین زراعت

منگل 7 جنوری 2025 12:21

مکوآنہ (اُردو پوائنٹ اخبارتازہ ترین - این این آئی۔ 07 جنوری2025ء)جامعہ زرعیہ فیصل آباد کے ماہرین زراعت نے کہا ہے کہ گاجر کی مشینی کاشت کیلئے کثیر المقاصد ڈرل کے ذریعے فی ایکڑ3سی4کلو بیج سے 250من پیداوار حاصل کی جا سکتی ہے۔ ترجمان نے بتایا ہے کہ یونیورسٹی زرعی اجناس و سبزیوں کے پیداواری اخراجات میں کمی اور پیداوار میں اضافہ کے ساتھ کسان کی خالص آمدنی میں اضافے کی ٹیکنالوجی کے لئے ہمہ وقت مصروف عمل ہے اور انہوں نے گاجر کی کھیلیوں پر مشینی کاشت کے لئے ایسی ٹیکنالوجی متعارف کروا ئی ہے جس کے ذریعے پیداوار میں 10گنا تک اضافہ ممکن بناتے ہوئے کاشتکار کی فی ایکڑآمدنی کو 5لاکھ روپے تک بڑھا جا سکتا ہے۔

انہوں نے کہا کہ گاجر کی مشینی کاشت کے ذریعے فی ایکڑ 10 کلو گرام روایتی بیج کے مقابلہ میں صرف تین یا چار کلو گرام بیج سے گاجر کی بہتر پیداوار حاصل کی جا سکتی ہے۔

(جاری ہے)

انہوں نے کہا کہ اگر گاجر کے لئے زمین کی تیاری سے پہلے آرگینک منیور اور وقت پر لیکوئیڈ فرٹیلائزر بھی مناسب مقدار میں ڈال دیا جائے تو بیڈز نرم رہنے سے گاجر کا سائز خاطر خواہ حد تک بڑھایا جا سکتا ہے۔

انہوں نے کہا کہ کسان مناسب وقت پر گاجر کی بوائی مکمل کرکے پیداوار کو پہلے ہی مرحلے میں مارکیٹ تک پہنچاکر آمدنی میں خاطر خواہ اضافہ کر رہے ہیں لہٰذااس کی بروقت کاشت کو سیڈ ڈرل کے ذریعے کھیلیوں پر یقینی بنانا انتہائی اہم ہے۔انہوں نے کہا کہ اس نئی ٹیکنالوجی سے کم بیج کے ذریعے گاجر کی بجائی میں شامل افرادی قوت کی بجائے مشین کے ذریعے یکساں اور یونیفارم بوائی ممکن بنادی گئی ہے جس سے پیداواری لاگت میں کمی کے ساتھ ساتھ پیداوار میں خاطر خواہ اضافہ سے خالص آمدنی بڑھانے میں مدد حاصل ہوئی ہے۔۔

Facebook Twitter Google + Share on Whatsapp

گاجر کی مشینی کاشت کے لئے کثیر المقاصد ڈرل کے ذریعے فی ایکڑ3سی4کلو بیج سے 250من پیداوار حاصل کی جا سکتی ہے،ماہرین زراعت

متعلقہ عنوان :

مزید قومی خبریں