پاکستان نے ایران، عراق، لبنان اور شام کے بارے میں پاکستانی شہریوں کے لئے ٹریول ایڈوائزری جاری کر دی

جمعرات 19 جون 2025 23:00

اسلام آباد (اُردو پوائنٹ اخبارتازہ ترین - اے پی پی۔ 19 جون2025ء) پاکستان نے ایران، عراق، شام اور لبنان میں اپنے شہریوں کے لئے ٹریول ایڈوائزری جاری کی ہے جس میں کہا گیا ہے کہ پاکستانی شہریوں کی سلامتی اور حفاظت کو یقینی بنانے کے لیے مشورہ دیا جاتا ہے کہ وہ اسلامی جمہوریہ ایران، جمہوریہ عراق، جمہوریہ لبنان اور عرب جمہوریہ شام کا سفر اس وقت تک نہ کریں جب تک صورتحال بہتر نہ ہو جائے۔

جمعرات کو ترجمان دفتر خارجہ کی جانب سے جاری بیان کے مطابق ایڈوائزری میں کہا گیا کہ ان ممالک میں مقیم تمام پاکستانی شہریوں کو سختی سے ہدایت کی جاتی ہے کہ وہ انتہائی احتیاط سے کام لیں، ہوشیار رہیں، غیر ضروری نقل و حرکت سے گریز کریں اور پاکستان کے متعلقہ سفارت خانوں سے فراہم کئے گئے رابطہ نمبروں پر باقاعدہ رابطہ رکھیں۔

(جاری ہے)

ایران میں پاکستان مشنز کے ہنگامی رابطہ یہ ہیں، تہران+98-21-66-9413-88/89/90/91 (لینڈ لائن)، +98-21-66-9448-88/90 (لینڈ لائن)، +98 9100 607 658 (موبائل)، زاہدان +98 54 33 22 3389 (لینڈ لائن)، +98 99129 45346 (موبائل)، مشہد +98 910 762 5302 (موبائل)۔

عراق میں پاکستانی سفارتخانہ بغداد سے سیل/واٹس ایپ:+964(0)7839800899، +964(0)7834950183، +964(0)7834950311، ای میل: [[email protected]](mailto:[email protected]) پر رابطہ کیا جا سکتا ہے۔ لبنان میں پاکستانی سفارتخانہ بیروت سے رابطہ کے لئے سیل/واٹس ایپ: +961-81669488، +961-81815104، ای میل: [[email protected]](mailto:[email protected]) یہ نمبر استعمال کریں۔ شام میں پاکستانی سفارتخانہ دمشق سے سیل/واٹس ایپ: +963983538186، لینڈ لائن: +963116132696، ای میل: [[email protected]](mailto:[email protected]) پر رابطہ کیا جا سکتا ہے۔