Live Updates

پاک افواج کا شمار دنیا کی بہترین افواج میں ہوتا ہے،ثروت اعجاز قادری

جمعرات 19 جون 2025 22:53

کراچی (اُردو پوائنٹ اخبارتازہ ترین - این این آئی۔ 19 جون2025ء)امریکی صدر ٹرمپ کی پاکستانی افواج کے سربراہ فیلڈ مارشل عاصم منیر کے اعزاز میں تقریب اس جانب اشارہ کرتی ہے کہ پاکستانی افواج دنیا کی بہترین ترین افواج ہے۔ان خیالات کا اظہار پاکستان سنی تحریک کے چیئرمین انجینئر محمد ثروت اعجاز قادری نے کرتے ہوئے مزید کہا کہ پوری پاکستانی قوم کو فخر ہے کہ عاصم منیر جیسے سپہ سالار ہمارے سرحدوں کے نگہبان ہیں۔

پاک افواج کا شمار دنیا کی بہترین افواج میں ہوتا ہے۔اور اس بات کی زندہ مثال ٹرمپ کی دعوت ہے۔پاکستانی فوج کے سربراہ فیلڈ مارشل عاصم منیر کی کارکردگی کسی سے ڈھکی چھپی نہیں ہے۔ثروت اعجاز قادری کا مزید کہنا تھا کہ امریکی صدر کا پاکستانی افواج کے سربراہ کو ظہرانے پر مدھو کرنے سے پاکستان کا دنیا میں امیج اور بہتر ہوا ہے۔

(جاری ہے)

پاکستان کو میلی نگاہ سے دیکھنے والے بھی اب سمجھ چکے ہیں کہ پاکستان کی افواج جنگی دا پیج بہت اچھے طریقے سے جانتی ہے۔

ٹرمپ نے اپنی دعوت میں پاکستان کی طرف دوستی کا ہاتھ بڑھایا ہے۔امریکہ یہ بات بخوبی جان گیا ہے کہ پاکستانی فوج ہو یا پاکستانی عوام سب ایک سیسہ پلائی دیوار کی طرح دشمن سے مقابلے کے لیے کھڑے ہو جاتے ہیں۔ملاقات میں ٹرمپ نے کہا کہ مجھے پاکستان سے پیار ہے اور پاک بھارت جنگ روکنے پر امریکی صدر نے پاکستان کا شکریہ بھی ادا کیا ہے۔پاکستان نے ہمیشہ امن پسندگی کی فضا کو برقرار رکھنے کے لیے دنیا میں اپنی خدمات پیش کی ہیں۔

پوری پاکستانی قوم امن پسندگی کا پیغام دنیا بھر میں پھیلا رہی ہے۔امریکی صدر نے پاکستانی افواج کے سربراہ سے ایران اسرائیل جنگ پر بھی گفتگو کی ہے۔امریکہ چاہتا ہے کہ پاکستان اس جنگ بندی میں بھی اپنا کردار ادا کرے۔امریکہ جانتا ہے کہ پاکستان امت مسلمہ کا علم لے کر سب سے آگے کھڑے ہونے والا ملک ہے۔دنیا میں تمام اسلامی ممالک صرف پاکستان کی بات پر لبیک کہتے ہیں۔