پاک بحریہ کی سالانہ کوسٹل کمانڈ ایفیشنسی پریڈ2024ء کا انعقاد

سرکریک سے جیوانی تک پاکستان کے ساحلی علاقے کے تحفظ کے لیے پاکستان نیوی کوسٹل کمانڈ کی کاوشیں قابل ستائش ہیں،نیول چیف

منگل 7 جنوری 2025 22:15

راولپنڈی(اُردو پوائنٹ اخبارتازہ ترین - آن لائن۔ 07 جنوری2025ء)پاک بحریہ کی سالانہ کوسٹل کمانڈ ایفیشنسی پریڈ2024ء کراچی میں ہوئی۔پاک بحریہ کے سربراہ ایڈمرل نوید اشرف نے تقریب میں بطور مہمان خصوصی شرکت کی۔آئی ایس پی آرکے مطابق یہ تقریب پاک بحریہ کی کوسٹل کمانڈ کے آپریشنل سال کے کامیاب اختتام کی نشاندہی کرتی ہے۔

(جاری ہے)

اس موقع پرخطاب میں نیول چیف ایڈمرل نوید اشرف نے کہا کہ سرکریک سے جیوانی تک پاکستان کے ساحلی علاقے کے تحفظ کے لیے پاکستان نیوی کوسٹل کمانڈ کی کاوشیں قابل ستائش ہیں۔ نیول چیف نے بہترین کارکردگی کا مظاہرہ کرنے والے یونٹس کو اعزازی شیلڈز سے نوازا۔ تقریب میں پاک بحریہ کے سینئر حاضر سروس اور ریٹائرڈ نیول افسران سمیت سول معززین کی بڑی تعداد میں شرکت کی۔