لاہور میں سورج کرنیں بکھیرنے لگا، دھند کی شدت میں واضح کمی

شہر میں آئندہ دنوں بارش ،سردی میں اضافے کا امکان ہے‘محکمہ موسمیات

جمعرات 9 جنوری 2025 17:19

لاہور میں سورج کرنیں بکھیرنے لگا، دھند کی شدت میں واضح کمی

لاہور (اُردو پوائنٹ اخبارتازہ ترین - این این آئی۔ 09 جنوری2025ء) لاہور میں سورج کرنیں بکھیر نے لگا جس کے باعث دھند کی شدت میں واضح کمی دیکھنے میں آئی ہے۔

(جاری ہے)

محکمہ موسمیات کے مطابق صوبائی دارالحکومت کا کم سے کم درجہ حرارت 6اور زیادہ سے زیادہ 18ڈگری سینٹی گریڈ تک ریکارڈ کیا گیا جبکہ شہر کا موجودہ درجہ حرارت 7ڈگری سینٹی گریڈ ریکارڈ کیا گیا ۔اعداد وشمار کے مطابق ہوا کی رفتار 3کلومیٹر فی گھنٹہ ریکارڈ کی گئی جبکہ ہوا میں نمی کا تناسب 93فیصد تک جا پہنچا ۔محکمہ موسمیات کا کہنا ہے کہ شہر لاہور میں 11 جنوری کو ہلکی بوندا باندی کے امکانات ہیں جبکہ رواں دنوں درجہ حرارت میں مزید کمی متوقع ہے۔