شرجیل میمن نے بانی پی ٹی آئی پر تمام مقدمات کو درست قرار دے دیا

بانی پی ٹی آئی نے اپنے مفادات کے لیے جرم کیے،وہ خود کہتے تھے کہ انصاف سے بالاتر کوئی نہیں،سینئر صوبائی وزیر

پیر 13 جنوری 2025 17:28

شرجیل میمن نے بانی پی ٹی آئی پر تمام مقدمات کو درست قرار دے دیا

کراچی (اُردو پوائنٹ اخبارتازہ ترین - این این آئی۔ 13 جنوری2025ء) سندھ کے سینئر وزیر شرجیل انعام میمن نے بانی پی ٹی آئی پر تمام مقدمات کو درست قرار دے دیا۔سندھ کے صوبائی وزیر شرجیل انعام میمن نے میڈیا سے گفتگو کرتے ہوئے کہا کہ بانی پی ٹی آئی پر تمام مقدمات درست ہیں، بانی پی ٹی آئی کے گھر سے پٹرول بم پھینکے گئے۔شرجیل میمن نے کہا کہ بانی پی ٹی آئی نے اپنے مفادات کے لیے جرم کیے جب کہ بانی پی ٹی آئی خود کہتے تھے کہ انصاف سے بالاتر کوئی نہیں۔

(جاری ہے)

انہوںنے کہا کہ 2025 سندھ حکومت کے لئے خوشخبریوں اور ترقی کا سال ہے، کراچی سمیت سندھ بھر میں میگا پراجیکٹس جاری ہیں۔سندھ کے سینئر وزیرنے کہا کہ بلاول بھٹو نے شاہراہ بھٹو کا افتتاح کیا، سڑک کا پہلا فیزعوام کے لئے کھول دیا ہے، جام صادق پل کا کام بھی جلد مکمل کرلیا جائے گا۔انہوں نے کہا کہ کوشش ہے جام صادق روڈ مقررہ مدت سے 8 ماہ پہلے مکمل کرلیں، سندھ حکومت نے کچھ میگا منصوبیشروع کیے ہیں اور سندھ حکومت کے کچھ منصوبے اختتام کے قریب ہیں۔شرجیل میمن نے کہا کہ سندھ حکومت ای وی ٹیکسی سروس شروع کرنے جارہی ہے، نوجوانوں کو سستی سفری سروس کے لئے روزگار دستیاب ہوگا۔