کرپشن کو اسلامی ٹچ دینا پی ٹی آئی کا طریقہ واردات ہے، سینیٹر طلال چوہدری

پیر 13 جنوری 2025 22:45

اسلام آباد(اُردو پوائنٹ اخبارتازہ ترین - این این آئی۔ 13 جنوری2025ء)مسلم لیگ (ن)کے رہنما سینیٹر طلال چوہدری نے کہا ہے کہ کرپشن کو اسلامی ٹچ دینا پی ٹی آئی کا طریقہ واردات ہے۔ پیر کو یہاں وفاقی وزیر اطلاعات کے ہمراہ پریس کانفرنس سے خطاب کرتے ہوئے انہوں نے کہا کہ بانی چیئرمین پی ٹی آئی اور ان کی اہلیہ توشہ خانہ لوٹ کر کھا گئے۔

(جاری ہے)

انہوں نے کہا کہ پی ٹی آئی والے مقدمات کا سامنا کرنے کی بجائے ڈیل کا تاثر دیتے ہیں۔

انہوں نے سابق وزیراعظم نواز شریف اور ان کے خاندان کی سیاسی قربانیوں کا حوالہ دیتے ہوئے کہا کہ نواز شریف اور ان کے خاندان نے سیاسی انتقام کا بہادری سے مقابلہ کیا ۔ انہوںنے کہاکہ نواز شریف فیصلہ سننے برطانیہ سے پاکستان آ گئے تھے لیکن ایک شخص اس قابل نہیں کہ چند قدم چل کر آئے، عدالت میں پیش ہو کر اپنے مقدمات کا سامنا کرے۔