الیکشن ٹربیونل نے این اے 118 سے حمزہ شہباز کی کامیابی کے خلاف دائر درخواست کے قابل سماعت ہونے پر دلائل طلب کرلئے

منگل 14 جنوری 2025 22:57

لاہور (اُردو پوائنٹ اخبارتازہ ترین - اے پی پی۔ 14 جنوری2025ء) الیکشن ٹربیونل لاہور نے این اے 118 سے حمزہ شہباز کی کامیابی کے خلاف دائر درخواست کے قابل سماعت ہونے پر دلائل طلب کرتے ہوئے سماعت 28 جنوری تک ملتوی کردی ۔الیکشن ٹربیونل کے جج رانا زاہد محمود نے عالیہ حمزہ کی درخواست پر سماعت کی ۔ عالیہ حمزہ ٹربیونل کے روبرو پیش ہوئیں ۔

(جاری ہے)

وکیل نے بتایاکہ حمزہ شہباز کی جیت کا نوٹیفکیشن غیر قانونی طور پر جاری کیا گیا حلقہ کی عوام نے مجھے ووٹ دیکر کامیاب کروایا ۔

عالیہ حمزہ کے وکیل نے نکتہ اٹھایاکہ ٹربیونل قانون اور آئین کی روشنی میں سماعت کرنے کا پابند ہے۔ حمزہ شہباز کی کامیابی کا نوٹفکیشن کا لعدم قرار دیاجائے ۔ الیکشن ٹربیونل نے درخواستوں کے قابل سماعت ہونے پر دلائل طلب کرلیے ۔ٹربیونل نے کاروائی 28 جنوری تک ملتوی کردی۔