پنجاب یونیورسٹی کا یونیورسٹیز رینکنگ میں ایک اور اعزاز،ٹائمز ہائر ایجوکیشن رینکنگ میں 3مضامین میں نمبر 1قرار

بدھ 22 جنوری 2025 20:06

لاہور (اُردو پوائنٹ اخبارتازہ ترین - این این آئی۔ 22 جنوری2025ء)پنجاب یونیورسٹی کو ٹائمز ہائر ایجوکیشن کی جانب سے مضامین کے اعتبار سے رینکنگ میںپاکستان میں 3مضامین ایجوکیشن، سائیکالوجی اور سوشل سائنسز میں نمبر 1قرار دے دیا گیا۔مضامین کے اعتبار سے اعلان کردہ رینکنگ میں پاکستانی اعلیٰ تعلیمی اداروں کو 8 مضامین میں درجہ دیا گیاہے ۔

(جاری ہے)

پاکستان کی کسی بھی دیگر یونیورسٹی کو تین مضامین میں نمبر1 قرار نہیں دیا گیا۔

اس عالمی اعزاز پروائس چانسلر پروفیسر ڈاکٹر محمد علی نے پنجاب یونیورسٹی اساتذہ، ملازمین اور طلباء کو مبارکباد دی ہے۔انہوں نے کہا کہ پنجاب یونیورسٹی کی بین الاقوامی رینکنگ کو بہتر بنانا موجودہ انتظامیہ کی ترجیحات کا مرکز ہے۔انہوں نے کہا کہ عالمی رینکنگ میں کامیابی پر یونیورسٹی رینکنگ کمیٹی کی کاوشوں کو سراہا۔