گوجرانوالہ کے نجی کالج کے 55رکنی وفد کا الحمراء ماڈرن آرٹ میوزیم کا دورہ

الحمراء میوزیم کے افسران نے وفد کا استقبال کیا، نوجوانوں کی فن پاروں میں گہری دلچسپی لی

جمعرات 23 جنوری 2025 20:54

لاہور(اُردو پوائنٹ اخبارتازہ ترین - این این آئی۔ 23 جنوری2025ء) گوجرانوالہ کے نجی کالج کے 55رکنی وفد نے الحمراء ماڈرن آرٹ میوزیم کا دورہ کیا۔الحمراء میوزیم کے افسران نے وفد کا استقبال کیا، نوجوانوں کو میوزیم میں آویزاں کا م پر بریف کیا،نوجوانوں کی فن پاروں میں گہری دلچسپی لی۔آرٹ کے فن پارے کسی بھی قوم کی اعلیٰ اقدارکے آئینہ دار ہوتے ہیں۔

چیئرمین الحمراء رضی احمد نے اس حوالے اپنے تاثرات میں کہا کہ آرٹ کے فن پارے کسی بھی قوم کی اعلیٰ اقدارکے آئینہ دار ہوتے ہیں،فن پاروں سے ہماری قوم کی ہزار ہاسالہ تہذیب و تمدن ،ثقافت اور معاشرت بخوبی جھلکتی ہیں،پاکستان مصوروی کے شعبے میں بڑے بڑے نام پیدا کرنے میں ایک زرخیز ترین خطہ رہا ہے ۔ایگزیکٹوڈائریکٹر الحمراء توقیر حیدر کاظمی نے اپنے بیان میں کہا کہ الحمراء ماڈرن آرٹ میوزیم میںعالمی شہرت یافتہ 100سے زائدآرٹسٹوں کے 200سے زائدفن پارے رکھے گئے ہیں ،الحمراء آرٹ میوزیم ہماری نئی نسل کو اپنی عظمت رفتہ سے شناسا کرنے کے قابل قدار اورکامیاب کو ششیں کر رہا ہے،نامور مصوروں عبد الرحمن چغتائی،استاد اللہ بخش ،صادقین،شاکرعلی، ایس صفدر،حنیف رامے،شمزا ،احمد پرویز،کولن ڈیوڈ ،اسلم کمال، جمی انجینئر،میری کترینا،کامل خان ممتاز،انا مولیکا احمد،سعید اختر،زبیدہ آغا،خالد اقبال ودیگر آرٹسٹوں کاکام الحمراء ماڈرن آرٹ میوزیم میں زینت ہے۔

(جاری ہے)

مختلف تعلیمی اداروں کے وفود الحمراء آرٹ میوزیم کا گاہے بگاہے دورہ کرتے رہتے ہیں ۔سٹوڈئٹس کو اس میوزیم میں رکھے گئے فن پاروں کی مدد سے اپنے آئیڈیل کے انتخاب میں آسانی ہو رہی ہے۔الحمراء ماڈرن آرٹ میوزیم نئی نسل کے آرٹسٹ کے فن کو نئے نئے زاویے عطا کررہا ہے۔الحمراء آرٹ میوزیم کی بدولت فائن آرٹ کے طلبہ وطالبات کواپنے تھیسز کے موضوعات کے انتخاب میں بھی آسانی ہورہی ہے۔دُنیا بھر سے سکالرز،محقق ،سیاح ،طالب علم اور مورخ اس میوزیم کو دیکھنے کیلئے آتے ہیں۔

Facebook Twitter Google + Share on Whatsapp

گوجرانوالہ کے نجی کالج کے 55رکنی وفد کا الحمراء ماڈرن آرٹ میوزیم کا دورہ

الحمراء میوزیم کے افسران نے وفد کا استقبال کیا، نوجوانوں کی فن پاروں میں گہری دلچسپی لی

متعلقہ عنوان :

مزید تعلیم کی خبریں