سعودی عرب میں مشترکہ فوجی مشقیں رماح النصر 2025 جاری

جمعرات 30 جنوری 2025 23:03

ریاض (اُردو پوائنٹ اخبارتازہ ترین - این این آئی۔ 30 جنوری2025ء)سعودی عرب کے مشرقی صوبے میں 15 ممالک کی مشترکہ فوجی مشقیں رماح النصر 2025 جاری ہیں۔ مشقوں کا انعقاد فلائی وار سینٹر میں ہو رہا ہے۔

(جاری ہے)

عرب ٹی وی نے بتایاکہ مشق کے کمانڈر ایئرفورس میجر جنرل محمد بن الی العمری نے بتایاکہ اس سرگرمی کا مقصد شریک افواج کی لڑائی کی تیاری کی سطح کو بڑھانا ، منصوبہ بندی اور عمل درآمد کے میدان میں تجربات کا تبادلہ کرنا، مشترکہ عمل کے مفہوم کو مضبوط بنانا، موجودہ خطرات سے نمٹنے کے لیے تدابیر پر عمل کرنا اور ان کا جائزہ لیا اور تدبیری سطح پر مشترکہ عمل کا ارتقا ہے۔

العمری کے مطابق مشق میں مملکت کی مسلح افواج کے علاوہ نیشنل گارڈز کے دستے، ریاستی سیکورٹی کے دستے اور 15 ممالک شریک ہیں۔ ان میں بحرین، یونان، فرانس، قطر، مملکت متحدہ، امریکا، امارات اور پاکستان فعال فورسز کے ساتھ شامل ہیں جب کہ آسٹریلیا، مصر، اطالیہ، اردن، مراکش، جنوبی کوریا اور ہسپانیہ بطور مبصرین شرکت کر ہے ہیں۔