سیاسی عدم استحکام کی وجہ سے ملک پیچھے جارہا ہے، شبلی فراز

منگل 4 فروری 2025 20:33

اسلام آباد(اُردو پوائنٹ اخبارتازہ ترین - آن لائن۔ 04 فروری2025ء)پی ٹی آئی رہنما شبلی فراز نے جوڈیشل کمپلیکس میں میڈیا سے گفتگو کرتے ہوئے کہاہے کہ ہم آج یہاں ایسے کیس میں آئے جس میں موجود ہی نہیں تھے،ایسے کیسز وکلاء اور راہنماوں کو مصروف رکھنے اور ہراساں کرنے کیلئے بنائے گئے ہیں،ملک 2 سال سے سیاسی عدم استحکام ہے جس کیوجہ سے ملک نہ صرف رکا ہوا ہے بلکہ پیچھے جارہا ہے،اگر جمہوریت ایک ایسا کنسپٹ ہوتا جس کی ضرورت نہیں تو پھر نارتھ کوریا، میانمار ،جیسے ملک خوشحال ہوتے،اگر ملک کو کوئی سسٹم آگے لیکر جا سکتا ہے تو وہ جمہوریت ہے، جمہوریت جس میں مینڈیٹ چرایا نہ جائے،بانی پی ٹی آئی نے خط لکھا کیونکہ وہ قومی لیڈر کے طور پر پریشان ہیں انکو ملک کی فکر ہے،بانی پی ٹی آئی نے کہا ہے اس سے سارا نزلہ فوج پر گر رہا ہے،کوئی بھی فوج عوام کی سپورٹ کے بغیر وہ ترقی حاصل نہیں کرسکتی جو عوام کیساتھ حاصل کرسکتی ہے ،بانی پی ٹی آئی نے خط میں ملکی صورتحال کا پورا جائزہ دیا ہے ،جب معاملات اس نہج پر پہنچ جاتے ہیں پھر خاموش رہنا ٹھیک نہیں ہوتا ،احتجاج ہمارا جمہوری حق ہے، ہمیشہ احتجاج کے موقع پر لیڈرز اور کارکنان کو گرفتار کیا جاتا ہے ،ایسی گرفتاریوں سے سیاسی عدم استحکام بڑھتا ہے۔

Facebook Twitter Google + Share on Whatsapp

سیاسی عدم استحکام کی وجہ سے ملک پیچھے جارہا ہے، شبلی فراز

متعلقہ عنوان :

مزید قومی خبریں