آئندہ چوبیس گھنٹوں کے دوران پنجاب کے بیشتر علاقوں میں موسم سرد ،خشک ر ہے گا ،محکمہ موسمیات

بدھ 5 فروری 2025 23:18

لاہور (اُردو پوائنٹ اخبارتازہ ترین - اے پی پی۔ 05 فروری2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبہ کے بیشتر علاقوں میں موسم سرد اور خشک ، مطلع جزوی طور پر ابر آلود رہنے کا امکان ہے تاہم بعض علاقوں میں صبح کے اوقات میں ہلکی سے درمیانی دھند کی توقع ہے ۔

(جاری ہے)

گزشتہ 24 گھنٹوں کے دوران پنجاب کے بیشتر علاقوں میں موسم سرد ، خشک اور مطلع جزوی طور پر ابر آلود رہا۔

لاہور میں کم سے کم درجہ حرارت 08اور زیادہ سے زیادہ 22سینٹی گریڈ ریکارڈ کیا گیا جبکہ ہوا میں نمی کا تناسب49رہا۔لا ہور میں آلودگی کی مجموعی شرح 180فیصد رہی جبکہ شہر کے مختلف علاقوں میں ایئر کوالٹی انڈ یکس ذکی فارمز 336،عسکری ٹین 209، غازی روڈ193،پولو گراؤنڈ 190، ایوی گرین 255،سی ای آر پی آفس 186اورڈائمنڈ پینٹس 198 ریکارڈ کیا۔