اوپن یونیورسٹی کے میٹرک، انٹر اور بی ایڈ کے داخلوں کے لیے10فروری آخری تاریخ

جمعہ 7 فروری 2025 17:56

اسلام آباد (اُردو پوائنٹ اخبارتازہ ترین - اے پی پی۔ 07 فروری2025ء) علامہ اقبال اوپن یونیورسٹی کے سمسٹر بہار 2025ء میں پیش کئے گئے میٹرک، انٹر اور بی ایڈ پروگراموں میں داخلوں کے لیے آخری تاریخ 10فروری 2025ہے، داخلوں کی تاریخ میں توسیع کا ابھی تک کوئی فیصلہ نہیں ہوا ہے، اس لئے داخلوں کے خواہشمند طلبہ موقع سے فائدہ اٹھا کر خود کو مقررہ تاریخ تک رجسٹرڈ کروائیں۔

ایسوسی ایٹ ڈگری(بی اے/بی کام)، بی ایس، پوسٹ گریجویٹ ڈپلومہ، ایم ایس، ایم فل اور پی ایچ ڈی پروگراموں کے داخلے 17 فروری تک جاری رہیں گے۔جاری کردہ شیڈول کے مطابق تمام پروگراموں میں پہلے سے داخل(جاری طلبہ)اپنی انرولمنٹ 24 فروری تک کر سکیں گے۔تمام پروگرامز کے داخلہ فارم اور پراسپکٹس یونیورسٹی کی ویب سائٹ پر دستیاب ہیں۔

(جاری ہے)

طلبہ کی سہولت کے لئے تمام پروگرامز میں داخلوں کی آن لائن سہولت فراہم کی گئی ہے تاہم میٹرک، ایف اے، ایسوسی ایٹ ڈگری اور بی ایڈ پروگراموں میں داخلہ مینول طریقے سے بھی لیا جا سکتا ہے۔

ان پروگرامز کے داخلہ فارم ملک بھر میں قائم یونیورسٹی کے علاقائی دفاتر سے بھی حاصل کئے جا سکتے ہیں۔داخلوں کے خواہشمند طلبہ کو ہدایت کی گئی ہے کہ لیٹ فیس سے بچنے کے لئے مقررہ تاریخوں تک اپنی انرولمنٹ کرائیں۔ طلبہ داخلوں کے عمل میں یونیورسٹی کے ریجنل آفسز سے مدد حاصل کر سکتے ہیں، علاقائی دفاتر میں ان کی راہنمائی و معاونت کے لئے سہولت مراکز قائم کئے گئے ہیں۔

Facebook Twitter Google + Share on Whatsapp

اوپن یونیورسٹی کے میٹرک، انٹر اور بی ایڈ کے داخلوں کے لیے10فروری آخری تاریخ

متعلقہ عنوان :

مزید تعلیم کی خبریں