خبر سنسنی اور مبالغہ آرائی پر مبنی، کارروائی کریں گے، سونو سود

ہفتہ 8 فروری 2025 22:45

ممبئی (اُردو پوائنٹ اخبارتازہ ترین - آن لائن۔ 08 فروری2025ء)) بھارتی اداکار سونو سود نے کہا ہے کہ مشہور لوگ آسان ہدف ہوتے ہیں، ہم اس معاملے میں سخت کارروائی کریں گے۔میڈیا رپورٹس کے مطابق سونو سود نے ان خیالات کا اظہار مبینہ فراڈ کیس میں وارنٹ گرفتاری کے اجرا کی رپورٹس پر ردعمل میں کیا۔بھارتی میڈیا رپورٹ کے مطابق اداکار نے سوشل میڈیا پر زیر گردش خبر کو سنسنی خیز قرار دیا اور کہا کہ اس میں مبالغہ آرائی سے کام لیا گیا ہے۔

سونو سود نے ایک بیان میں وضاحت دی کہ درست معاملہ یہ ہے کہ ہمیں کیس میں گواہ کے طور پر طلب کیا گیا، ہمارا اس معاملے سے کوئی تعلق ہے نہ ہی وابستگی ہے۔اداکار نے مزید کہا کہ ہمارے وکلا 10 فروری کو جواب دیں، معاملے کو صرف غیر ضروری میڈیا توجہ حاصل کرنے کیلیے پھیلایا جارہا ہے۔

(جاری ہے)

ان کا یہ بھی کہنا تھا کہ دراصل مشہور لوگ آسان ہدف ہوتے ہیں، مبالغہ آرائی پر مبنی خبر کے معاملے میں سخت کارروائی کریں گے۔

سونو سود کے معاملے میں یہ خبر سامنے آئی تھی کہ بھارتی پنجاب کے شہر لدھیانہ کی مقامی عدالت نے ایک فراڈ کیس میں اداکار کے وارنٹ گرفتاری جاری کیے ہیں۔خبر یہ ہے کہ جج نے سونو سود کو کیس میں گواہی کے لیے طلب کیا تھا اور عدالت حاضری پر ان کے وارنٹ گرفتار جاری کیے اور کہا کہ وہ طلبی پر پیش نہیں ہوئے تو عدالت میں پیش کیا جائے۔