مدرسہ مظہرالعلوم حمادیہ اتحادٹان میں سالانہ تقریب کا انعقاد

کراچی (اُردو پوائنٹ اخبارتازہ ترین - این این آئی۔ 10 فروری2025ء)مدرسہ مظہرالعلوم حمادیہ اتحادٹان کراچی میں تکمیل قرآن کرام وتقسیم انعامات کی سالانہ روح پرور تقریب انعقادمیں122طلباکی دستاربندی کی گئی،تقریب میں ترجمان وفاق المدارس العربیہ پاکستان مولانا طلحہ رحمانی جامعہ معھدالخلیل الاسلامی بہادرآبادکے مفتی محمد مدنی ،جامع مسجدعالمگیربہادرآبادکے خطیب استاذ الحدیث مولانا مفتی سعیداحمد،جامعہ معھدالخلیل الاسلامی کے استاذ الحدیث مولانا محمد عاصم رحمانی، شیخ الحدیث مولانا نور الحق ،مولانا عبد القادر کھوسو،جامعہ دارالفیوض کندھ کوٹ کے منتظم اعلی قاری محمد شفیع کھوسو،مشیر وزیراعلی ایم پی اے سندھ اسمبلی لیاقت آسکانی ،معروف کاروباری شخصیت مولانا امین اللہ، معروف دانشور شیخ نوید،سینئرصحافی منیر احمد شاہ،مفتی شاہ فیصل برکی ،یوسی 2بلدیہ ٹائون چیئرمین عارف تنولی،جامعہ معھدالخلیل الاسلامی کے فضلا مولاناطیب شکیل،مولانا اسد اسلم،مولانا فضیل نعیم،سیاسی رہنماحاجی طورخان،میرخدابخش کھوسو،غوث بخش کھوسو سمیت ممتاز علماکرام ومعززین شریک ہوئے،معروف نعت خواہوں نے آقائے دوجہاں صلی اللہ علیہ وآلہ وسلم کی بارگاہ میں عقیدت کے پھول نچھاور کیے،تقریب کی صدارت مدیراعلی قاری مظہرالدین نے کی، ناظم تعلیمات مولانا فخرالدین رازی نے مہمانوں کا شکریہ ادا کیا اورمدرسہ مظہرالعلوم حمادیہ اتحادٹاون کی تعلیمی خدمات سے مہمانوں اورشرکاکو آگاہ کیا،تقریب میں اعلی کارکردگی کا مظاہرہ کرنے والے اساتذہ اور طلباکو بھی انعامات دیئے گئے، بچوں نے تلاوت،حمد ونعت،اصلاحی ٹیبلو شو اورمختلف خاکے پیش کر کے اپنی تخلیقی اورتعمیری صلاحیتوں کا مظاہرہ کیا اور شرکائے تقریب نے انہیں والہانہ داد سے نوازا،تقریب کے آخرمیں طلباو طالبات میں اسناد، شیلڈزاور انعامات تقسیم کیے گئے اور ملک و قوم کی سلامتی کیلئے خصوصی دعائیںکی گئی۔

(جاری ہے)

مہمان علماکرام نے کہا کہ مدرسہ مظہرالعلوم حمادیہ اتحادٹان جیسے ادارے ہمارے معاشرے میں کسی نعمت سے کم نہیں جہاں بچوں کی دینی تعلیم کے ساتھ ساتھ اخلاقی تربیت بھی کی جاتی ہے تاکہ وہ پاکستان کے ایک کامیاب شہری بن سکیں ، دینی مدارس ملک میں شرح خواندگی بڑھانے میں اہم کردار ادا کر رہے ہیں اور وہاں بھی علم کی شمع روشن کی ہے جہاں وسائل کے باوجود حکومت کی رسائی نہیں،مدرسہ مظہرالعلوم حمادیہ اتحادٹاون دینی و عصری علوم کا ایک ممتاز تعلیمی ادارہ ہے، جہاں سے حفظ قرآن مع تجوید کی ایک شعاع نکلی اوروہ آج پورے بلدیہ ٹان کو منورکرتا نظر آرہا ہے،ایک سال میں 122سے زائدطلباوطالبات کا قرآن کریم کی تکمیل ایک منفرد اعزازہے،یہ ننھے حفاظ ہمارے ملک کا مستقبل ہیں، ان کی معیاری تعلیم و تربیت میں ہی مملکتِ خداداد کی تعمیر و ترقی پنہاں ہے