وشال ددلانی حادثے میں زخمی، کنسرٹ ملتوی

بدقسمتی سے چھوٹے حادثے کا شکار ہو گیا ہوں، جلد واپس آئوں گا، پونے میں ملتے ہیں، گلوکار

جمعہ 14 فروری 2025 23:15

ممبئی (اُردو پوائنٹ اخبارتازہ ترین - این این آئی۔ 14 فروری2025ء)بھارتی معروف گلوکار و موسیقار وشال ددلانی کی گاڑی کو حادثہ پیش آ گیا، جس کے بعد ان کا کنسرٹ ملتوی کر دیا گیا۔بھارتی میڈیا کی رپورٹس کے مطابق بالی ووڈ کے نامور گلوکار وشال ددلانی نے سوشل میڈیا پلیٹ فارم انسٹاگرام پر اپنی صحت سے متعلق اپ ڈیٹ شیئر کی ہے۔

(جاری ہے)

بھارتی گلوکار نے اپنے فالوورز کو بتایا کہ میری بدقسمتی، ایک چھوٹے حادثے کا شکار ہو گیا ہوں، لیکن جلد واپس آئوں گا، آپ سب کے لیے پوسٹ کرتا رہوں گا، جلد ہی پونے میں ملتے ہیں۔

میڈیا رپورٹس کے مطابق وشال ددلانی حادثے میں زخمی اور اسپتال میں زیر علاج ہیں۔حادثے کے بعد کنسرٹ کے منتظمین نے کنسرٹ ملتوی کر دیا ہے جس کی نئی تاریخ کا اعلان بعد میں کیا جائے گا۔گلوکار وشال ددلانی پونے میں شیخر روی جانی کے ہمراہ 2 مارچ کو پرفارم کرنے والے تھے، تاہم ان کی گاڑی حادثے کا شکار ہو گئی، جس کی وجہ سے ان کا کنسرٹ ملتوی ہو گیا۔