بالی وڈ موسیقار و گلوکار وشال ددلانی حادثے میں زخمی، کنسرٹ ملتوی

گلوکار وشال کو ساتھی شیکھر کے ساتھ 2مارچ کو پونے میں کنسرٹ میں پرفارم کرنا تھا

ہفتہ 15 فروری 2025 12:36

بالی وڈ موسیقار و گلوکار وشال ددلانی حادثے میں زخمی، کنسرٹ ملتوی

ممبئی (اُردو پوائنٹ اخبارتازہ ترین - این این آئی۔ 15 فروری2025ء)بالی وڈ کے معروف موسیقار اور گلوکار وشال ددلانی حادثے میں زخمی ہوگئے جس کی وجہ سے ان کا کنسرٹ بھی ملتوی کر دیا گیا۔بھارتی میڈیا کیمطابق جمعرات کو یہ خبر سامنے آئی کہ گلوکار وشال ددلانی ایک حادثے میں زخمی ہوئے اور ان کا علاج جاری ہے۔بھارتی میڈیا کا کہنا ہے کہ ابھی تک حادثے کی مزید تفصیلات یا علاج کے بارے میں کوئی معلومات فراہم نہیں کی گئیں، تاہم وشال ددلانی نے خود انسٹاگرام پر اپنے حادثے کے بارے میں مداحوں کو آگاہ کیا۔

وشال نے انسٹاگرام اسٹوری میں بتایا کہ یہ ایک معمولی حادثہ تھا، میں جلد واپس آئوں گا، جلد ہی پونے میں ملتے ہیں۔واضح رہے کہ گلوکار وشال کو ساتھی شیکھر کے ساتھ 2مارچ کو پونے میں کنسرٹ میں پرفارم کرنا تھا، تاہم حادثے کے باعث ان کا شو ملتوی کر دیا گیا ہے۔

(جاری ہے)

حادثے کے بعد کنسرٹ کے منتظمین نے انسٹاگرام پر پوسٹ کرتے ہوئے بتایا کہ ہمیں افسوس کے ساتھ مطلع کرنا پڑ رہا ہے کہ طویل انتظار کے بعد ہونے والا میوزک کنسرٹ جس میں مشہور جوڑی وشال اور شیکھر کو پرفارم کرنا تھا، اب ملتوی کر دیا گیا ہے۔

منتظمین نے بتایا کہ یہ فیصلہ وشال کے ایک حادثے کا شکار ہونے اور زیر علاج ہونے کی وجہ سے کیا گیا ہے۔ ہم اس تکلیف دہ صورتحال پر معذرت خواہ ہیں۔ کنسرٹ کی نئی تاریخ کا اعلان جلد ہی کیا جائے گا۔