میں کئی سال بعد اپنی سالگرہ منا رہی ہوں،وینا ملک

نوجوان لڑکے سے متعلق سوال گول، وینا ملک نے تصاویر اور ویڈیوز بھی ڈیلیٹ کر دیں

ہفتہ 22 فروری 2025 13:57

میں کئی سال بعد اپنی سالگرہ منا رہی ہوں،وینا ملک

لاہور (اُردو پوائنٹ اخبارتازہ ترین - این این آئی۔ 22 فروری2025ء)معروف اداکارہ و میزبان وینا ملک نے سوشل میڈیا پر جاری افواہوں پر ردِ عمل کا اظہار کیا ہے۔اداکارہ نے گزشتہ دنوں دوستوں کے درمیان اپنی سالگرہ کا کیک کاٹا، اس دوران نجی ٹی چینل کو دیے گئے انٹرویو میں وینا ملک نے بتایا کہ میں کئی سال بعد اپنی سالگرہ منا رہی ہوں۔سوشل میڈیا پر جاری شادی کی افواہوں اور نوجوان لڑکے کے ذکر سے متعلق پوچھا گیا سوال ہی اداکارہ نے گول کر دیا۔

وینا ملک نے سوال کے جواب میں کہا کہ کون ہے وہ نوجوان لڑکا کس کی بات ہو رہی ہی مجھے نہیں معلوم کہ کون ہے وہ لڑکا بعد ازاں اداکارہ نے کہا کہ میں آج کل کام کر رہی ہوں، اپنا شوق پورا کر رہی ہوں، مجھے گلوکاری کا شوق تھا جسے اب میں باقاعدہ طور پر وقت دے رہی ہوں، بہت جلد میرے گانے ریلیز ہوں گے۔

(جاری ہے)

انہوں نے انٹرویو کے دوران چیمپئنز ٹرافی پر بھی بات کی۔

وینا ملک نے کہا کہ کل میں پاکستان کو سپورٹ کروں گی، بابر اعظم کو مشورہ ہے کہ میرا گانا سن کر کھیلیں، میرا گانا سن کر وہ بہت اچھا محسوس کریں گے۔اداکارہ نے انٹرویو میں خود ہی بتا دیا کہ ابھی میرا کوئی ٹریک ریلیز نہیں ہوا ہے۔یاد رہے کہ گزشتہ کئی دنوں سے وینا ملک اپنے انسٹاگرام اکانٹ پر ایک نوجوان لڑکے کے ساتھ مختلف تصاویر اور ویڈیوز اپلوڈ کر رہی تھیں۔ان پوسٹس میں ادکارہ کو مذکورہ نوجوان لڑکے کے ساتھ رومانٹک گانوں پر ریلز بناتے، ویلنٹائن ڈے مناتے اور کیک کاٹتے دیکھا گیا تھا جنہیں اب اداکارہ نے اپنے اکانٹ سے ڈیلیٹ کر دیا ہے۔