عامرخان نے چین میں اپنی شہرت کے راز سے پردہ اٹھا

فلم تھری ایڈیٹ جو بھارتی تعلیمی نظام پرمبنی تھی، چین میں پائریسی کی وجہ سے مقبول ہوئی

پیر 24 فروری 2025 14:08

عامرخان نے چین میں اپنی شہرت کے راز سے پردہ اٹھا

ممبئی (اُردو پوائنٹ اخبارتازہ ترین - این این آئی۔ 24 فروری2025ء)بالی ووڈ کے سپر اسٹار عامر خان دنیا بھر کی طرح چین میں بھی اپنی بہترین اداکاری کی وجہ سے مشہور ہیں، حیران کن طور پر وہ واحد ادکار ہیں جنہیں چین کے شہری انکل عامر کے نام سے جانتے ہیں۔عامر خان نے چین میں اپنی مقبولیت کے راز سے پردہ اٹھاتے ہوئے بتایا کہ چین کی حکومت نے پائریسی قانون میں اصلاحات نے میری پہچان چین کے ہر گھر میں کرا دی ہے۔

(جاری ہے)

ان کی فلم تھری ایڈیٹ جو بھارتی تعلیمی نظام پر مبنی تھی، چین میں پائریسی کی وجہ سے مقبول ہوئی اور اداکار اسی فلم کی وجہ سے چین میں انکل عامر کے نام سے مشہور ہوئے۔عامر خان نے کہا کہ چینی ناظرین نے ایک مختلف ثقافت کی فلم کو محبت اور احترام سے قبول کیا۔ تھری ایڈیٹ کے بعد، ان کی دیگر فلمیں جیسے پی کے اور دنگل بھی چین میں ہٹ ہوئیں۔عامر خان اور درشیل سفاری جو تارے زمین پر میں ایک ساتھ کام کر چکے ہیں، 14 سال بعد ستارے زمین پر کے سیکوئل میں دوبارہ اکٹھے ہو رہے ہیں۔پروڈکشن کے محاذ پر عامر خان راجکمار سنتوشی کی فلم لاہور 1947 کے پروڈیوسر ہوں گے، جس میں سنی دیول مرکزی کردار میں ہوں گے۔