لالی وڈ کے معروف اداکار حبیب کو مداحوں سے بچھڑے 9 برس بیت گئ

منگل 25 فروری 2025 23:12

لاہور(اُردو پوائنٹ اخبارتازہ ترین - آن لائن۔ 25 فروری2025ء) لالی وڈ کے معروف اداکار حبیب کو مداحوں سے بچھڑے 9 برس بیت گئے، حبیب نے اداکاری، فلم سازی اور ہدایت کاری میں صلاحیتوں کا لوہا منوایا۔ان کا اصل نام حبیب الرحمان مگر فلم انڈسٹری میں حبیب کہلائے، اداکار حبیب کا تعلق پٹیالہ کی ایک زمیندار فیملی سے تھا، 1947ئ میں ان کا خاندان ہجرت کر کے پاکستان ا?یا، حبیب نے گورنمنٹ کالج لاہور سے ایم اے انگلش کیا، بعد ازاں اردو اور فارسی میں بھی ماسٹر ڈگری حاصل کی، وہ اری گیشن اور سول ایوی ایشن میں بھی ملازم رہے۔

حبیب حادثاتی طور پر فلم انڈسٹری میں ا?ئے لیکن انہیں جلد کامیابی ملی تو اسے مستقل پروفیشن بنا لیا، 1956 ئ میں پہلی فلم ’’لخت جگر ‘‘ میں ملکہ ترنم نور جہاں کے ساتھ کام کرنے کا موقع ملا، ان کی کامیاب فلموں میں ا?دمی، گمراہ، کالاپانی، ایاز، ماں کے ا?نسو، اولاد، غزالہ، وقت، دیوداس شامل ہیں۔

(جاری ہے)

اداکار حبیب نے متعدد پنجابی فلموں میں بھی شاندار کردار نبھائے، موج میلہ، بابل دا ویہڑہ، میلہ دو دن دا اور چن شیر ان کی قابل ذکر فلمیں ہیں، حبیب نے دو سندھی فلمیں پروڈیوس اور ڈائریکٹ بھی کیں۔اداکار حبیب کو ان کی فنی خدمات کے اعتراف میں پرائیڈ ا?ف پرفارمنس اور نگار ایوارڈز سے نوازا گیا، حبیب مختصر علالت کے بعد 25 فروری 2016ئ کو لاہور میں انتقال کر گئے تھے۔