۷بلوچستان کے عوام کو ان کے ساحل وسائل سے محروم رکھنے کے لیئے مصنوعی قیادت مسلط کیا گیا، ڈاکٹر عبدالحی بلوچ

بھاگ (اُردو پوائنٹ اخبارتازہ ترین - آن لائن۔ 25 فروری2025ء) بلوچستان کے ممتاز سیاسی رہنما ڈاکٹر عبدالحی بلوچ کی برسی کے موقع پر نیشنل پارٹی کے زئراہتمام بھاگ میں بہت بڑا جلسہ عام منعقد ہوا جلسہ سے نیشنل پارٹی کے صوبائی صدر چہرمین اسلم بلوچ، مرکزی سینیئر نائب صدر میر شاوس بزنجو صوبائی جنرل سیکریٹری چنگیز حئی چہرمین چہرمین بی ایس او پجار بوہیر صالح بلوچ چہرمین میونسپل کمیٹی بھاگ مفتی کفایت اللہ، ارباب غلام قادر ایری یاسمین لہڑی، میران بلوچ عبدالصمد رند عبید لاشاری ڈکٹر رمضان ہزارہ، تاج مری، رحیم بخش جعفری عبدالرسول بلوچ وڈیرہ بشیر خان چھلگری، میر اسماعیل خان چھلگری،عبدالغنی بلوچ،وفامراد بلوچ اور دیگر مقررین نے خطاب کیا، اسلم بلوچ نے کہا کہ ڈاکٹر عبدالحئی بلوچ پوری زندگی بلوچستان اور اس کے عوام سے محبت کی اور مستقل مزاجی کے ساتھ اس جہد مسلسل کو آگے بڑھایا ان کی جدوجہد نصف صدی سے زیادہ عرصہ پر محیط ہے، انہوں نے کہا کہ بلوچستان آج تاریخ کے بدترین دور سے گزر رہا ہے بلوچستان کے وسائل کو اسلام آباد دونوں ہاتھوں سے لوٹ رہا ہے اور اس لوٹ مار کی خاطر انہوں نے بلوچستان کے عوام پر جنگی منافع خوروں اور اجرتی محب وطنوں کی شکل میں مصنوعی قیادت مسلط کی جس کی وجہ سے آج بلوچستان بدترین عدم استحکام کا شکار ہے ریاست کو چاہئے ہوش کا ناخن لیتے ہوئے بلوچستان کے مسئلے کو سیاسی مسئلہ تصور کرتے ہوئے بات چیت سے مسائل کو حل کرئے، میرشاوس بزنجو نے ڈاکٹر عبدالحئی بلوچ کو بہترین الفاظ میں خراج تحسین پیش کیا اار واضع کیا کہ ڈاکٹر عبدالحئی بلوچ نے لوگوں کو شعور و آگہی دی انہوُں نے بھاگ سمیت اس ریجن کے عوام سے اپیل کی کہ وہ اپنے بچوں کے مستقبل کو سامنے رکھتے ہوئے نظریاتی شعوری اور فکری سیاست سے وابستہ ہوکر خطہ سے لٹیروں اور کرپٹ عناصر کا قلع قمع کریں، چنگیز حئی بلوچ نے جم غفیر کی شکل میں بہت بڑا اجتماع منعقد کرنے پر عوام کا شکریہ ادا کیا اور ڈاکٹر عبدالحئی بلوچ کے نظریاتی فکری اور شعوری سیاست کا فتح قرار دیتے ہوئے کہا کہ سیاسی کارکن رہتی دنیا تک زندہ رہتے ہیں وہ کبھی نہیں مرتے ڈاکٹر عبدالحئی بلوچ عوام سے تھا اور عوام کا تھا انہوں نے اپنے خاندان اور بچوں سے ذیادہ وقت بلوچستان اور اس کے سیاست کو دی وہ ایک باکردار سیاسی رہنما تھے، چنگیز حئی بلوچ نے عوام سے کہا کہ اکیسویں صدی میں آج بھی بھاگ میں گدھا گھوڑا اور جانور ایک ہی تالاب سے پانی پیتے ہیں کیا یہ ہمارا مقدر ہے کہ ہم نسل درنسل بھوک افلاس اور جہالت کی زندگی گزاریں ہمیں اپنا سیاسی نقطہ نظر بدلنا چاہیے منظم ہوکر ایک باشعور اور باکرقیادت سامنے لاکر اس بے بسی کو ختم کریں، مقررین نے بلوچستان میں لاپتہ افراد کے مسئلہ کو سنگین مسئلہ قرار دیتے ہوئے مطالبہ کیا کہ ریاست کو اپنی پالیسی پر نظر ثانی کرتے ہوئے بلوچستان میں قیام امن اور کشت وخون کے ماحول سے بچنے کے لیئے بلوچستان کے بنیادی مسائل پر سنجیدہ بات چیت کا ماحول پیدا کرتے ہوئے تمام لاپتہ افراد کو منظرعام پر لایا جائے، بارڈر ٹریڈ کے فروغ کے لیئے اقدامات کیئے جاہیں جنگی منافع خوروں کی بدولت سیاسای ماحول کو پراگندہ کرنے کے بجائے حقیقی سیاسی نمائندوں کو حق نمائندگی دی جائے اور بلوچستان میں معدنیات کی بے دریغ لوٹ مار سے اجتناب کیا جائے۔