بھارت میں مجھے مادھوری اور ایشوریا سے تشبیہ دی گئی: میرا

جمعہ 28 فروری 2025 21:47

لاہو(اُردو پوائنٹ اخبارتازہ ترین - آن لائن۔ 28 فروری2025ء) پاکستانی معروف اداکارہ میرا نے انکشاف کیا ہے کہ بھارت میں مجھے ورسٹائل اداکارہ مادھوری ڈکشٹ اور ایشوریا رائے سے تشبیہ دی گئی۔حال ہی میں اداکارہ میرا نے ایک انٹرویو میں کہا ہے کہ جب میں بھارت گئی تو وہاں میرے حسن کی بہت تعریف کی گئی، میرا بھارتی اداکارہ مادھوری ڈکشٹ اور ایشوریا رائے سے موازنہ کیا گیا۔

(جاری ہے)

انہوں نے بتایا کہ میری فلم سمرن حال ہی میں بھارت میں ریلیز ہوئی ہے اور ناظرین کو یہ فلم پسند آئے گی۔دوسری جانب میرا کی خود اعتمادی اور بھارتی اداکاراں سے موازنے پر ان کے خیالات نے سوشل میڈیا پر بحث کو جنم دے دیا ہے جہاں مداح اور ناقدین دونوں اپنی رائے کا اظہار کر رہے ہیں، کچھ مداحوں نے ان کی خوبصورتی کی تعریف کی جبکہ دیگر نے ان کی خود ستائشی پر تنقید کی ہے۔