پی ٹی آئی دور میں مبینہ کرپشن کی تحقیقات کا فیصلہ

پنجاب کی پی اے سی نے 2019 کے 18کیسز تحقیقات کیلئے ڈی جی اینٹی کرپشن کو بھجوادئیے

اتوار 2 مارچ 2025 22:55

لاہور(اُردو پوائنٹ اخبارتازہ ترین - این این آئی۔ 02 مارچ2025ء)پبلک اکاؤنٹس کمیٹی تھری نے تحریک انصاف دور حکومت میں مبینہ کرپشن کے خلاف تحقیقات کا فیصلہ کرلیا۔پنجاب کی پی اے سی نے 2019 کے 18کیسز تحقیقات کیلئے ڈی جی اینٹی کرپشن کو بھجوادئیے ہیں۔

(جاری ہے)

فیصل آباد اور ڈیرہ غازی خان ڈسٹرکٹ ہیلتھ اتھارٹی کی تحقیقات حکام کے سپرد کردی گئیں جبکہ پی اے سی 3نے شفاف تحقیقات کیلئے وزیراعلیٰ معائنہ ٹیم سے مدد حاصل کرلی۔عثمان بزدار دور میں کرپشن کی تحقیقات کیلئے محکموں سے ضروری ریکارڈ طلب کرلیا گیا جبکہ ریکارڈ فراہم نہ کرنے والے افسران کے خلاف کارروائی ہو گی۔پنجاب اسمبلی کی پی اے سی 3اب تک ڈیڑھ ارب روپے کی ریکوری کر چکی ہے۔