یونیورسٹی آف کمالیہ اور بابا گورو نانک یونیورسٹی ننکانہ صاحب بی جی این یوکے درمیان مفاہمتی یادداشت پر دستخط

منگل 4 مارچ 2025 14:20

کمالیہ(اُردو پوائنٹ اخبارتازہ ترین - این این آئی۔ 04 مارچ2025ء)یونیورسٹی آف کمالیہ اور بابا گورو نانک یونیورسٹی ننکانہ صاحب بی جی این یوکے درمیان تعلیمی اور تحقیقی تعاون کے لیے مفاہمتی یادداشت پر دستخط ۔ یونیورسٹی آف کمالیہ اور بابا گورو نانک یونیورسٹی ننکانہ صاحب ی جی این یو کے درمیان تعلیم اور تحقیق میں تعاون کے قیام کے لیے ایک مفاہمتی یادداشت (MoU) پر دستخط کیے گئے ۔

یہ باضابطہ دستخطی تقریب ڈاکٹر محمد افضل، وائس چانسلر بی جی این یو اور ڈاکٹر یاسر نواب، وائس چانسلر یونیورسٹی آف کمالیہ کی موجودگی میں منعقد ہوئی۔ مسٹر مبشر طارق، رجسٹرار بھی اس موقع پر موجود تھے ۔یہ مفاہمتی یادداشت مشترکہ تحقیقی منصوبوں، فیکلٹی اور طلبہ کے تبادلے ، اور باہمی تعلیمی اقدامات کے لیے بنیاد فراہم کرتی ہے ، جس کا مقصد اعلی تعلیم کے معیار کو بہتر بنانا اور مختلف شعبوں میں تحقیقی جدت کو فروغ دینا ہے ۔

(جاری ہے)

تقریب سے خطاب کرتے ہوئے ، ڈاکٹر محمد افضل نے علم کے تبادلے اور تحقیق کے فروغ میں تعلیمی شراکت داری کی اہمیت کو اجاگر کیا۔ ڈاکٹر یاسر نواب نے اس اشتراک کی صلاحیت پر روشنی ڈالی، جو دونوں جامعات کی مہارتوں کو بروئے کار لاتے ہوئے اہم تعلیمی اور صنعتی چیلنجز کے حل میں مدد فراہم کرے گا۔یہ حکمتِ عملی پر مبنی شراکت داری بین الشعبہ جاتی تحقیق، استعداد بڑھانے کے پروگراموں، اور تعلیمی معیار کو بہتر بنانے میں معاون ثابت ہوگی، جو اس خطے میں تعلیم اور جدت کے فروغ میں نمایاں کردار ادا کرے گی۔