آئندہ چوبیس گھنٹوں کے دوران پنجاب کے بیشتر اضلاع میں موسم سردوخشک رہنے کاامکان ہے، محکمہ موسمیات

بدھ 5 مارچ 2025 21:52

لاہور (اُردو پوائنٹ اخبارتازہ ترین - اے پی پی۔ 05 مارچ2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر اضلاع میں موسم سرد اورخشک رہنے کا امکان ہے ۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران لاہور سمیت پنجاب کے دیگر اضلاع میں تیز ہوائوں کے ساتھ موسم سرد اور خشک رہا جس سے صبح وشام کے اوقات میں سردی کی شدت میں اضافہ ہوگیا۔

لاہور میں کم سے کم درجہ حرارت 9اور زیادہ سے زیادہ 23سینٹی گریڈ ریکارڈ کیا گیا جبکہ ہوا میں نمی کا تناسب 34 فیصدرہا۔لا ہور میں آلودگی کی مجموعی شرح 66فیصد رہی جبکہ شہر کے مختلف علاقوں میں ایئر کولٹی انڈیکس پولو گرائونڈ 71، یو ایم ٹی 71،غازی روڈ 75،ڈائمنڈ پینٹس 79،پاور زون 107اورذکی فارمز میں75ایئر کوالٹی انڈیکس ریکارڈ کیا گیا۔