سینیٹرعرفان صدیقی کا سیاستدانوں کی گرفتاریوں اور جیل میں سلوک پر اظہارتشویش

ہفتہ 8 مارچ 2025 17:10

اسلام آباد (اُردو پوائنٹ اخبارتازہ ترین - اے پی پی۔ 08 مارچ2025ء) سینیٹر عرفان صدیقی نے کہا ہے کہ طویل وقفے کے بعد آپ کو سینیٹ اجلاس کی صدارت کی کرسی پر دیکھ کر بہت خوشی ہوئی ،آپ نے پارلیمانی روایات کو سربلند رکھا جس سے ایوان کا تقدس مزید اونچا ہوا۔ہفتہ کو ایوان بالا کے اجلاس میں انہوں نے سینیٹ کے چیئرمین کی پارلیمانی روایات کی پاسداری کو سراہا اور اپوزیشن کے سینیٹرز کے پروڈکشن آرڈرز کے معاملے کو استحقاق کمیٹی کے سپرد کرنے کے فیصلے کی حمایت کی تاہم انہوں نے سیاستدانوں کی گرفتاریوں اور جیل میں ان کے ساتھ ہونے والے سلوک پر تشویش کا اظہار بھی کیا۔

انہوں نے عون عباس سمیت دیگر سیاسی رہنماؤں کی قید کا حوالہ دیا اور اس تناظر میں تاریخی شخصیات جیسے خان عبدالغفار خان (باچا خان)اور خود اپنی نو سالہ قید کا ذکر کیا۔

(جاری ہے)

انہوں نے خاص طور پر نواز شریف کی جیل میں حالت زار پر روشنی ڈالتے ہوئے کہا کہ انہیں ایک چھوٹی کوٹھڑی میں رکھا گیا اور فرش پر دری پر سونا پڑا۔انہوں نے کہا کہ صرف عون عباس ہی نہیں بلکہ کئی سیاسیدانوں نے قید کاٹی ہےآپ نے نو سال اور باچا خان نے 37 سال قید و بند کی صعوبتیں برداشت کیں ،ہم اپ کی رولنگ کی تائید کرتے ہیں لیکن کسی پر قید میں بہت ظلم ہو رہا ہے اس سے بالکل اتفاق نہیں کرتے۔

انہوں نے کہا کہ نواز شریف نے چار سال تک سخت قید کاٹی ،نواز شریف نے مجھے خود بتایا کہ انھیں جیل میں ایک چھوٹی کوٹھڑی میں رکھا گیا،نواز شریف جیل کی کوٹھڑی میں فرش پر دری پر سوتے تھے۔