بھارتی اداکارہ شہناز گل کی وائرل ویڈیوپر صارفین سیخ پا

پیر 10 مارچ 2025 22:54

ممبئی (اُردو پوائنٹ اخبارتازہ ترین - آن لائن۔ 10 مارچ2025ء)بھارتی اداکارہ شہناز کور گل کے حالیہ رویے نے سوشل میڈیا صارفین کو سخت مشتعل کردیا ہے، جس کے بعد صارفین نے انھیں مغرور قرار دے دیا۔ریائلٹی شو بگ باس سیزن 13 سے شہرت حاصل کرنے والی اداکارہ اپنی ایک ویڈیو کی وجہ سے سوشل میڈیا پر تنقید کا نشانہ بنی ہیں جس پرصارفین انہیں گھمنڈی اور بدتمیز قرار دے رہے ہیں۔

انسٹاگرام پر وائرل ہونے والی ویڈیو میں دیکھا جاسکتا ہے کہ ایک تقریب کے دوران ایک خاتون شہناز گل کے پاس آتی ہیں اور اپنے ہیئر کیئر برینڈ کے بارے میں بات کرنے کی کوشش کرتی ہیں توشہناز فورا جواب دیتی ہیں کہ کیا آپ کے پاس مجھے ادا کرنے کیلیے پیسے ہیں خاتون جواب دیتی ہیں کہ میں آپ کو ابھی فورا پیسے دے سکتی ہوں، اس پر شہناز کا جواب تھا کہ آپ مجھے افورڈ نہیں کرسکتیں اور پھر انہوں نے خاتون کو اپنے مینجر سے بات کرنے کی ہدایت کرتے ہوئے کہا کہ وہ رہا میرا منیجر، آپ ان سے بات کرسکتی ہیں۔

(جاری ہے)

اگرچہ خاتون نے شہناز کے ساتھ مذاق کرتے ہوئے بات کو ہنسی میں اڑا دیا لیکن انٹرنیٹ صارفین نے شہناز کے رویے کا نہایت سنجیدگی سے لیا ہے۔سوشل میڈیا صارفین نے اداکارہ کو آڑے ہاتھوں لیتے ہوئے انہیں گھمنڈی اور متکبر قرار دیا ہے۔ ویڈیو کے کمنٹ سیکشن میں صارفین نے شہناز کے رویے پر سخت ردعمل کا اظہار کیا ہے۔ایک صارف نے لکھا آپ مجھے افورڈ نہیں کرسکتیں تو ہے کون اور ایسا کیا کردیا ہے کہ اتنا گھمنڈ آگیا ایک اور صارف نے کہا شہناز گل کو اپنا رویہ ٹھیک کرنے کی ضرورت ہے جبکہ ایک نے لکھا، ایسی بات مذاق میں بھی نہیں کرنی چاہیے۔یہ رویہ غیر مناسب ہے۔ کچھ صارفین اس ویڈیو کو مذاق کے طور پر لے رہے ہیں، لیکن زیادہ تر لوگ شہناز کے رویے کو غیر مناسب قرار دے رہے ہیں۔