توہین آمیز پوسٹیں لگانے پر پیکا ایکٹ کے تحت 7افراد کے خلاف مقدمات درج

پہلا شہباز گل،عادل راجہ، وقار ملک، احمد نورانی ، شفیق الرحمن ،دوسرا تحسین الرحمن کیخلاف درج کیا گیا

منگل 11 مارچ 2025 21:50

لاہور(اُردو پوائنٹ اخبارتازہ ترین - این این آئی۔ 11 مارچ2025ء)سوشل میڈیا پر پاک فوج، اداروں اور سیاسی شخصیات کے خلاف توہین آمیز پوسٹیں لگانے پر ایف آئی اے سائبر کرائم نے سات افراد کے خلاف دو مقدمات درج کر لیے۔

(جاری ہے)

ایف آئی اے نے پیکا ایکٹ کے تحت دو مقدمات درج کئے، پہلا شہباز گل،عادل راجہ، وقار ملک، احمد نورانی اور شفیق الرحمن کے خلاف درج کیا گیا جبکہ دوسرا مقدمہ تحسین الرحمن کے خلاف درج کیا گیا۔

مقدمے کے متن میں لکھا گیا کہ تحسین الرحمن رسول پور جٹاں کا رہائشی ہے جو اپنے ایکس اکاؤنٹ سے ملکی اداروں کے خلاف توہین آمیز پوسٹیں کررہا تھا جبکہ دیگر ملزمان اپنے ایکس اکاؤنٹ اور سوشل میڈیا پر قومی اداروں کے خلاف نازیبا اور توہین آمیز مواد اپ لوڈ کررہے تھے۔علاوہ ازیں ایف آئی اے سائبر کرائم نے مقدمات درج کرکے تفتیش کا آغاز کردیا۔