پیپلزپارٹی حکومت کی پشت پر سیسہ پلائی دیوار کی طرح کھڑی ہے، عامر عبدالغفار لون

ٓآصف علی زرداری کے صدر مملکت بننے کے بعد نئے این ایف سی ایوارڈ کے اجراء کا راستہ ہموار ہوا

بدھ 12 مارچ 2025 20:14

مظفرآباد(اُردو پوائنٹ اخبارتازہ ترین - این این آئی۔ 12 مارچ2025ء)آزاد حکومت ریاست جموں وکشمیر کے وزیر ماحولیات عامر عبدالغفار لون نے صدر اسلامی جمہوریہ پاکستان آصف علی زرداری کو صدارت کا ایک سال مکمل کرنے پر مبارکباد پیش کی ہے اپنے جاری کردہ تہنیتی پیغام میں عامر عبدالغفار لون نے کہا کہ آصف علی زرداری جمہوریت کے پاسبان ہیں ایوان صدر نے صحیح معنوں میں ایوان مفاہمت کا کردار ادا کیا وفاقی حکومت کے خاتمے کی پیش گوئی کرنے والوں کو معلوم ہونا چاہیے کہ پیپلزپارٹی حکومت کی پشت پر سیسہ پلائی دیوار کی طرح کھڑی ہے ہم اب ملک میں جمہوریت کو ڈی ریل نہیں ہونے دینگے۔

(جاری ہے)

انہوں نے کہا کہ وقت اور ملک کے معاشی حالات کا تقاضا ہے کہ سب سیاسی جماعتیں ملکر پاکستان کو مسائل کی منجدھار سے نکالیں۔انہوں نے کہا کہ آصف علی زرداری کے صدر مملکت بننے کے بعد نئے این ایف سی ایوارڈ کے اجراء کا راستہ ہموار ہوا اور نیا این ایف سی ایوارڈ جاری کرکے صوبوں کا حصہ 57 فیصد سے مزید بڑھایا جائے گا مضبوط صوبے مضبوط وفاق کی علامت ہیں ان کا کہنا تھا کہ آصف علی زرداری کے صدر مملکت بننے کے بعد ملک میں جمہوریت کا تسلسل قائم ہوا اور پارلیمنٹ اپنی آئینی مدت پوری کرے گی۔