امریکا‘ کتے سے پستول چل گئی، بستر پر سویا مالک گولی لگنے سے ہلاک

جمعرات 13 مارچ 2025 23:18

واشنگٹن (اُردو پوائنٹ اخبارتازہ ترین - آن لائن۔ 13 مارچ2025ء)امریکی ریاست ٹینیسی کے شہر میمفس میں ایک پالتو کتے سے غلطی سے پستول چل جانے سے اس کے مالک کی ہلاکت کا واقعہ پیش آیا ہے۔میڈیا رپورٹس کے مطابق امریکی شہری اپنی پارٹنر کے ساتھ سویا ہوا تھا کہ اس دوران اس کے پالتو کتے نے بستر پر چھلانگ لگا دی، کتے کا پاؤں پستول میں پھنسنے کے باعث ٹریگر دب گیا اور گولی چل گئی جو کہ اس کے مالک کی ہلاکت کا باعث بنی۔

پولیس کے مطابق یہ واقعہ رواں ہفتے پیر کی صبح پیش آیا تھا۔

(جاری ہے)

میڈیا رپورٹس کے مطابق اس پٹ بُل کتے کی عمر ایک سال ہے اور اس کا نام ’اوریو‘ ہے، اس کے مالک کو گولی اس کی بائیں ران پر لگی تھی جسے زخمی حالت میں اسپتال پہنچایا گیا جہاں پر اس کا علاج کیا گیا تاہم وہ جانبر نہ ہو سکا۔میڈیا رپورٹس کے مطابق امریکی شہری نے مرنے سے قبل اس واقعے کو ایک حادثہ قرار دیا ہے۔

میڈیا رپورٹس کے مطابق اگرچہ ریاستہائے متحدہ امریکا میں بندوق کا استعمال بہت زیادہ ہے مگر جانوروں سے غلطی سے انسانوں پر گولی چل جانے کے واقعات شاذ و نادر ہی ہوتے ہیں۔یاد رہے کہ 2 سال قبل کینساس میں ایک جرمن چرواہے کے کتے نے شکار کرنے والی رائفل پر قدم رکھ دیا تھا جس سے اس کا 30 سالہ مالک گولی لگنے سے ہلاک ہو گیا تھا۔