بھارتی فلم انڈسٹری کی خوبرو اداکارہ عالیہ بھٹ32سال کی ہوگئیں

اداکارہ نے ایک روز قبل ہی اپنی سالگرہ منالی، عالیہ بھٹ نے سالگرہ کی تصاویر سوشل میڈیا پر شیئر کر دیں

جمعہ 14 مارچ 2025 11:43

بھارتی فلم انڈسٹری کی خوبرو اداکارہ عالیہ بھٹ32سال کی ہوگئیں

ممبئی(اُردو پوائنٹ اخبارتازہ ترین - این این آئی۔ 14 مارچ2025ء)بھارتی فلم انڈسٹری کی خوبرو اداکارہ عالیہ بھٹ 15 مارچ 2025 کو 32 سال کی ہو جائیں گی تاہم انہوں نے ایک روز قبل ہی اپنی سالگرہ منالی۔بھارتی اداکارہ عالیہ بھٹ نے سالگرہ کی تصاویر سوشل میڈیا پر شیئر کیں اس موقع پر رنبیر کپور اپنی شرارتوں سے باز نہ آئے، ان تصاویر میں دیکھا جا سکتا ہے کہ رنبیر کپور نے سالگرہ کا کیک عالیہ بھٹ کی ناک پر لگایا۔

(جاری ہے)

عالیہ بھٹ اور رنبیر کپور نے میڈیا سے گفتگو میں کہا کہ براہ مہربانی بغیر اجازت ان کی بیٹی ریا کی تصاویر نشر یا شائع نہ کیا کریں، جوڑے نے کہا کہ والدین کی اجازت کے بغیر کسی بچے کی تصویر نہیں لینی چاہئے۔رنبیر کپور نے پاپارازی فوٹو گرافر کو یقین دلایا کہ وہ قانونی کارروائی نہیں کریں گے تاہم انہوں نے یہ بھی کہا کہ اگر کوئی ہماری بات بار بار نہیں سن رہا ہے تو ہمارے پاس اور کوئی آپشن نہیں بچتا۔