یوکرین میں غیر ملکی فوج کی تعیناتی ناقابل قبول ہوگی، روس

جمعہ 14 مارچ 2025 15:06

ماسکو(اُردو پوائنٹ اخبارتازہ ترین - این این آئی۔ 14 مارچ2025ء)روس نے کہا ہے کہ یوکرین میں غیر ملکی فوج کی تعیناتی ناقابل قبول ہوگی۔میڈیارپورٹس کے مطابق اس حوالے سے ماسکو سے روسی وزارت خارجہ کے ترجمان کے مطابق غیر ملکی فوج کی تعیناتی اور غیر ملکی فوجی اڈے روس کیلیے قابل قبول نہیں۔

(جاری ہے)

روسی ترجمان نے کہا کہ یوکرین میں غیر ملکی فوج کی تعیناتی براہ راست مداخلت کے مترادف ہوگی۔ غیر ملکی فوجیوں کی تعیناتی کے خلاف روس مناسب اقدامات کرے گا۔دوسری جانب کریملن کا کہنا تھا کہ امریکا نے مجوزہ یوکرین جنگ بندی سے متعلق معلومات روس کو فراہم کی ہیں، امریکی مذاکرات کار روس آرہے ہیں۔ترجمان کریملن کا کہنا تھا کہ روسی صدر پیوٹن ممکنہ طور پر آج شام تک بین الاقوامی ٹیلیفون کال کریں گے۔