سعودی ولی عہد کی کینیڈا کے نئے وزیر اعظم مارک کارنی کو مبارکباد

ہفتہ 15 مارچ 2025 16:22

ریاض(اُردو پوائنٹ اخبارتازہ ترین - این این آئی۔ 15 مارچ2025ء)سعودی عرب کے ولی عہد و وزیر اعظم شہزادہ محمد بن سلمان نے مارک کارنی کی قیادت میں کینیڈا میں نئی حکومت کے قیام وزیراعظم کے عہدے کا حلف اٹھانے پر مبارکباد دی ہے۔عرب ٹی وی کے مطابق سعودی ولی عہد نے اپنے پیغام میں کینیڈا اور اس کے دوست عوام کی خوشحالی، کامیابی اور ترقی کیلیے نیک خواہشات کا بھی اظہار کیا۔

(جاری ہے)

مارک کارنی وزارت عظمی ایک ایسے وقت میں سنبھال رہے ہیں جب کینیڈا، امریکا کے ساتھ کشیدہ تعلقات اور امریکی صدر ڈونلڈ ٹرمپ کے دوبارہ اقتدار میں آنے کے بعد پیدا ہونے والے بحران سے نبرد آزما ہے۔مارک کارنی کینیڈا کے دو مرکزی بینکوں کی قیادت کا تجربہ رکھتے ہیں۔مارک کارنی نے حلف برادری سے قبل صحافیوں سے بات کرتے ہوئے کہا کہ وہ فورا کام کا آغاز کریں گے۔رپورٹ کے مطابق نومنتخب وزیراعظم آئندہ ہفتے اپنے پہلے غیرملکی دورے پر یورپ جائیں گے۔