سابق بھارتی کرکٹر آکاش چوپڑا بھی صاحبزادہ فرحان کی جارحانہ سنچری کے گنُ گانے لگے

کیا ایسے بلے باز کو پاکستان کے ٹی ٹونٹی سکواڈ میں شامل ہونے کی کوئی اسکیم نہیں؟، سوال بھی اٹھا دیا

ذیشان مہتاب پیر 17 مارچ 2025 12:40

سابق بھارتی کرکٹر آکاش چوپڑا بھی صاحبزادہ فرحان کی جارحانہ سنچری ..

نئی دہلی (اردو پوائنٹ تازہ ترین اخبار ۔ 17 مارچ 2025ء ) سابق بھارتی کرکٹر آکاش چوپڑا بھی قومی ٹیم کے نوجوان بلے باز صاحبزادہ فرحان کی جارحانہ سنچری کے گنُ گانے لگے۔

آکاش چوپڑا نے سوشل میڈیا پوسٹ میں صاحبزادہ فرحان کی اننگز کی کھُل کر تعریف کی اور مشکلات کی شکار پاکستان ٹیم میں شامل کرنے کی اسکیم بنانے پر سوال کیا۔

انہوں نے کہا کہ کیا زبردست بیٹنگ کی اور 114 رنز بنائے، کیا ایسے بلے باز کو پاکستان کے ٹی ٹونٹی سکواڈ میں شامل ہونے کی کوئی اسکیم نہیں ہے؟۔

فیصل آباد کے اقبال اسٹیڈیم میں 182 رنز کے تعاقب میں معاذ صداقت کے ساتھ صاحبزادہ فرحان نے اننگز کا شاندار آغاز کیا، صداقت نے محتاط انداز میں کھیلا تو صاحبزادہ فرحان جارحانہ انداز میں دکھائی دیے اور گراؤنڈ کے چاروں اطراف چھکے اور چوکے لگائے تاہم فرحان کے تابڑ توڑ حملے کوئی نہیں روک سکا کیونکہ اس نے صرف 56 گیندوں پر اپنی سنچری مکمل کر کے پشاور کو ایک کمانڈنگ پوزیشن میں ڈال دیا۔

(جاری ہے)

دائیں ہاتھ کے بلے باز 59 گیندوں پر 114 رنز بنا کر ناقابل شکست رہے کیونکہ پشاور نے ہدف 18.4 اوورز میں ہدف دو وکٹوں کے نقصان پر حاصل کر لیا۔

جارحانہ سنچری سکور کر کے انہوں نے نہ صرف پاکستانی کرکٹرز بلکہ بھارتی کھلاڑیوں کی توجہ بھی حاصل کر لی ہے جو اب ان کی ٹیم میں عدم شمولیت پر سوال اٹھا رہے ہیں۔