نئی نیٹ میٹرنگ پالیسی کے باوجود سولر لگانے والے 4 سال میں اپنا پیسہ وصول کرلیں گے، اویس لغاری

آئی پی پیز کے ساتھ مذاکرات کرکے 400 ارب روپے سالانہ کا بوجھ کم کردیا ہے، وفاقی وزی توانائی

پیر 17 مارچ 2025 21:31

نئی نیٹ میٹرنگ پالیسی کے باوجود سولر لگانے والے 4 سال میں اپنا پیسہ ..

اسلام آباد (اُردو پوائنٹ اخبارتازہ ترین - این این آئی۔ 17 مارچ2025ء)وفاقی وزیر توانائی اویس لغاری نے دعویٰ کیا ہے کہ سولر نیٹ میٹرنگ کی نئی پالیسی کے باوجود سولر لگانے والے ساڑھے تین سے چار سال میں اپنا پیسہ وصول کرلیں گے۔نجی ٹی وی پروگرام میں گفتگو کرتے ہوئے اویس لغاری نے کہاکہ حکومت شمسی توانائی کی حوصلہ شکنی نہیں کررہی، سولر سے ہر سال 1200 میگاواٹ بجلی پیداوار کی امید ہے۔

(جاری ہے)

انہوں نے کہاکہ ایکسپورٹ سولر یونٹ پر ٹیکس نہیں لگے گا، مفتاح اسماعیل لاعلم ہیں۔انہوں نے کہاکہ نئی پالیسی کے بعد نیٹ میٹرنگ میں کمی نہیں اضافہ ہوگا، سولر نیٹ میٹرنگ کی نئی پالیسی کے باوجود سولر لگانے والے ساڑھے تین سے چار سال میں اپنا پیسہ وصول کرلیں گے۔انہوں نے کہا کہ ایکسپورٹ یونٹس پر ٹیکس نہیں لگے گا لیکن گرڈ سے خریدی گئی بجلی پر ٹیکس لگے گا۔وفاقی وزیر کے مطابق آئی پی پیز کے ساتھ مذاکرات کرکے 400 ارب روپے سالانہ کا بوجھ کم کردیا ہے۔