حکومت نے بھارت سے 50ہزار ٹن چینی درآمد کرلی

مارچ 2024 سے جنوری 2025 تک دنیا بھر سے 3ہزار 140میٹرک ٹن چینی درآمد کی گئی ،30لاکھ ڈالرز خرچ ہوئے

پیر 17 مارچ 2025 20:25

اسلام آباد (اُردو پوائنٹ اخبارتازہ ترین - این این آئی۔ 17 مارچ2025ء) موجودہ حکومت کی جانب سے بھارت سے 50 ہزار ٹن چینی درآمد کرنے کا انکشاف ہوا ہے۔وزیر تجارت جام کمال خان نے موجودہ حکومت کے پہلے سال سے متعلق درآمدی چینی کی تفصیلات قومی اسمبلی میں پیش کردیں جس میں بھارت سے 50 ہزار ٹن چینی درآمد کرنے کا انکشاف کیا گیا ہے۔

(جاری ہے)

وزیر تجارت نے بتایا کہ مارچ 2024 سے جنوری 2025 تک 3ہزار 140میٹرک ٹن چینی درآمد کی گئی، چینی کی درآمد پر 3ملین ڈالرز سے زائد رقم خرچ ہوئی۔انہوں نے بتایا کہ چینی ملائشیا جرمنی، تھائی لینڈ، یو اے ای، امریکا، برطانیہ، ڈنمارک، چین فرانس، سوئٹزرلینڈ اور جنوبی کوریا سے درآمد کی گئی جب کہ پاکستان نے بھارت سے بھی 50 ہزار ٹن چینی درآمد کی۔