وائس چانسلر یو ای ٹی کی زیر صدارت31 ویں کانووکیشن کمیٹی کا اجلاس و انتظامات کا جائزہ

منگل 18 مارچ 2025 17:58

لاہور (اُردو پوائنٹ اخبارتازہ ترین - اے پی پی۔ 18 مارچ2025ء) وائس چانسلر یونیورسٹی آف انجینئرنگ اینڈ ٹیکنالوجی ڈاکٹرشاہد منیر کی صدارت منگل کو کانووکیشن کمیٹی کا اجلاس منعقد ہوا۔ ترجمان کے مطابق اجلاس میں کانووکیشن کو حتمی شکل دینے کیلئے انتظامات کا جائزہ لیا گیا ۔

(جاری ہے)

اجلاس میں بتایا گیا کہ یونیورسٹی آڈیٹوریم میں منعقدہ کانووکیشن کی صدارت گورنر پنجاب و چانسلرسردار سلیم حیدر خان کریں گے۔

کانووکیشن کی ریہرسل13اپریل کو ہو گی۔کانووکیشن میں 46طلبا کو 71گولڈ میڈل دئیے جائیں گے۔اس موقع پر ڈاکٹر شاہد منیرنے کہا کہ طلبا و طالبات کو چاہیے کہ اپنے پراجیکٹ وقت پر جمع کرائیں تاکہ انہیں جلد ڈگری جاری ہوسکے۔انہوں نے اساتذہ پر بھی زور دیا کہ وہ نتائج بروقت جمع کروائیں تاکہ کسی بھی قسم کی تاخیر کا سامنا نا کرنا پڑے۔