جاوید اختر لیاقت علی خان کے پڑپوتے معظم علی خان کی آواز کے گرویدہ

منگل 18 مارچ 2025 23:06

ممبئی (اُردو پوائنٹ اخبارتازہ ترین - آن لائن۔ 18 مارچ2025ء) بھارتی معروف شاعر و نغمہ نگار جاوید اختر پاکستانی گلوکار معظم علی خان کی آواز کے گرویدہ ہو گئے۔جاوید اختر نے مائیکرو بلاگنگ ویب سائٹ ایکس پر ایک پیغام شیئر کرتے ہوئے معظم علی خان سے رابطے کی خواہش کا اظہار اور درخواست کی ہے تاکہ وہ ان کے ساتھ کام کر سکیں۔جاوید اختر نے اپنے پیغام میں لکھا ہے کہ ابھی ابھی میں نے ایک جینٹل مین معظم صاحب کو یوٹیوب پر یہ نین ڈرے ڈرے گاتے ہوئے سنا ہے، براہِ کرم وہ مجھ سے رابطہ کریں، اگر وہ ہمارے لیے کچھ گانے گا سکیں تو میں بے حد مشکور رہوں گا۔

جاوید اختر کی یہ پوسٹ وائرل ہوتے ہی مداحوں نے ان کی مدد کرتے ہوئے گلوکار معظم علی خان کی ویڈیوز شیئر کرنا شروع کر دیں۔یاد رہے کہ معظم علی خان پاکستان شوبز انڈسٹری سے تعلق رکھتے ہیں، وہ گلوکار، وائس اوور آرٹسٹ اور اداکار ہیں۔

(جاری ہے)

معظم علی خان نے 2020 میں نشر ہونے والے سپر ہٹ ڈرامے ثبات میں جاندار اداکاری کے ذریعے خوب شہرت حاصل کی، انہیں شوبز انڈسٹری سے وابستگی اختیار کیے چند برس ہی ہوئے ہیں۔

انہیں بلاک بسٹر ڈرامہ سیریل عشقِ لا میں بھی دیکھا گیا تھا۔معظم علی خان سے متعلق یہ بات بہت کم لوگ جانتے ہیں کہ وہ پاکستان کے پہلے وزیرِ اعظم قائدِ ملت لیاقت علی خان کے پڑ پوتے ہیں۔معظم علی خان کے والد مشرف علی خان اور والدہ ممتاز پروین بھی پی ٹی وی کے ڈرامیسنہرے دِنمیں کام کر چکے ہیں۔معظم علی خان کے چھوٹے بھائی عباس علی خان معروف موسیقار ہیں، عباس علی خان نے استاد فتح علی خان سے فنِ گائیکی کی تربیت حاصل کی تھی۔